Do là jơnau sồr bơh Phó Thủ tướng Duh broă sùm Cíñ phủ ồng Nguyễn Hoà Bình dê tàm Pơrjum sền wơl cồng nha Broă lơh jơnau kờñ dà lơgar bơtàu tơngguh lơh sa- mpồl bơtiàn tiah Làng bol jơi bơtiàn dồ êt nă cau mờ Tiah kơh bơnơm tơngai bơh nam 2021- 2025 mờ dan tơnggume broă lơh tơngai bơh nam 2026- 2030, kơnhoàl ù tiah tàm gùl lơgar mờ Tây Nguyên, tàm càr Gia Lai.

Đơs pơndŭt Pơrjum, Phó Thủ tướng Duh broă sùm Cíñ phủ ồng Nguyễn Hoà Bình đơs loh, nàng kờñ lơh pràn bơtàu tơngguh lơh sa- mpồl bơtiàn tiah làng bol jơi bơtiàn dồ êt nă cau kơnhoàl ù tiah tàm gùl lơgar mờ Tây Nguyên, tàm tơngai dơ̆ II (bơh nam 2026- 2030), Mpồl Sồr lơh ală broă lơh jơnau kờñ dà lơgar dê geh ală broă jàu loh làng ai tŭ tơngai in nàng kờñ bơtàu tơngguh uă rài kis làng bol jơi bơtiàn dồ êt nă cau in. Pơnđơl priă lơh geh kờp bal ndrờm mờ nggùl khà kờp bal bơh jơh gùt lơgar dê; tơrmù khà hìu rƀah gơmù hơđơm 10%; ờ gam xã, thôn kal ke ir; 70% xã geh tơl broă jàu bơ̆t bơtàu ƀòn lơgar pa.