Pơrjum neh ring bal đơs nền, Tây Nguyên là ù tiah kwơ màng bè sền gàr dà lơgar- lơngap lơngai, sùm geh uă bơta digơlan gơlam tus kal ke bè lơngap lơngai, rơndap tap sèng; lơngap lơngai ƀòn lơgar là bơta tờm kwơ màng ngan bơh broă gàr niam lơngap lơngai dà lơgar, gàr kơ̆ lơngap lơgar ƀòn lơgar bơh kấp xã, sơnah ƀòn rơ̆p gàr kơ̆ lơngap lơngai tàm gùt lơgar. Bơtàu tơnguh lơh sa, niam chài, mpồl bơtiàn, sền gàr niam lơngap lơngai dà lơgar, lơngap lơngai, lơh broă mờ lơgar ndai là broă lơh kwơ màng ngan rlau jơh nàng gàr niam lơngap lơngai kơ̆ kơl jap, rơndap tap sèng, kơ̆ kơl jap tàm tiah Tây Nguyên.

Đơs đơng lam pơrjum, Thường trựk Ƀan Ƀí thư mò Trương Thị Mai đơs nền, dơ̆ broă lơh roh lơngap lơngai, rơndap tap sèng gơlik geh ngai 11/06 pa do gơrềng tơn tus rài kis bơh làng bol kòn cau dùl ết nă cau tàm càr Dăk Lăk mờ ală càr tàm tiah Tây Nguyên dê. Kwang đơng lam bồ Đảng, Dà lơgar sền gròi ngan đơng lam, sồr lơh bơtàu tơnguh lơh sa, mpồl bơtiàn, gàr niam lơngap lơngai dà lơgar, lơngap lơngai tàm tiah Tây Nguyên.