Jat ală jơnau yal, broă lơh rcang lài kơryan cau lơh tìs, lơh tìs adat boh lam pơn jat tai geh tơrgùm uă ngan; broă lơh rcang lài kơryan cau lơh tìs hời rơ hời geh lam lơh jrô ơnàng làm uă. Ală broă jàu Quôk hội dê jàu sền bal geh lơh sir, bàr pe broă jàu lơh geh mờ sơr lèt.

Jat jơnau yal bơh Cíñ phủ dê bè broă lơh lơh jat jơnau lơh nền bơh anih cah rña dê bè broă làng bol, nam 2024 geh ală broă lơh jat jơnau lơh nền bơh anih cah rña dê jơh mờ khà priă lơh geh uă ngan rlau jơh bơh lài tus tŭ do. Bơta làng bol tus tiah wă làng bol bơh ală anih lơh broă bơh Quôk hội, Mpồl cau ala mat Quôk hội gơmù mơya khà sră pơyoa yal, yal yă, jơnau đơs jơnau dan, jơnau yal bơh làng bol dê pơyoa tus ală anih lơh broă Quôk hội gơguh rlau 1 rơbô sră pơndrờm mờ nam 2023. Ală cau ala mat đơs là, broă lơh wă làng bol, bơsong jơnau yă, yal yă bè sră nggal gơnoar atbồ bơh Quôk hội mờ cau ala mat Quôk hội dê là kơnòl broă tờm, tơngŏ kơnòl gơwèt mờ làng bol, cau tĕ khà pal geh bơta pơgồp bal bơh Dà lơgar tus ală tiah. Nàng sơlơ tơnguh tai cồng nha, pal lơh ală phần mềm atbồ yă, yal yă tơrgùm, tàm tơrbŏ bal ală jơnau đah ală anih lơh broă nàng jat sền jơh broă lơh bơsong bơh broă dờp tus broă bơsong.