Quôk hội cribơyai rơndăp broă lơh Adăt tam gơl, bơtơl bàr pe bơta bơh Adăt Yal tơnggĭt
Thứ hai, 13:47, 25/11/2024
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K’Ho- Ngai do 25/11, Quôk hội mŭt tàm poh lơh broă dŭt ndơl. Ngai do, ală cau ala măt Quôk hội cribơyai tàm hìu pơrjum bè rơndăp broă lơh Adăt tam gơl, bơtơl bàr pe bơta bơh Adăt Yal tơnggĭt dê.
Broă tam gơl Adăt Yal tơnggĭt nàng kờñ lơh sir ală jơnau cih bè tơnggume mờ broă yal tơnggĭt dipal mờ bơta bơtàu tơngguh rơ̆ ru bơh broă lơh yal tơnggĭt dê. Jơnau rơcăng cih adăt cih tơnggume yal tơnggĭt pal gàr geh bơta song dơ pă, dipal, loh làng, ờ lơh gơlik jơnau wă wờng ờ di bè gơnoar broă, bơta niam, bơta ngui, bơta gơdờp bơh phan bơna, phan kă bro mờ drơng broă dê.
Jơnau rơcăng cih Adăt cih loh kơnòl bơh cau jun pơyua phan bơna yal tơnggĭt là cau geh gơrềng jăt jơnau cih bơh kơrnoăt boh lam dê bè sền gàr cau ngui sa. Mơkung tam gơl wơl, bơtơl jơnau cih bè broă lơh yal tơnggĭt tàm ƀăo pơ àr, ƀăo pờ tơlik jơnau đơs mờ ƀău rùp.
Viết bình luận