3 kơnhoàl mờ thị xã Buôn Hồ là ală tiah geh dờp phe dong kờl tàm dơ̆ do. Tàm hơ̆, kơnhoàl Ea H’leo dờp rlau 66 tấn, Krông Bông mờr 42 tấn, Krông Păk mờr 8 tấn mờ thị xã Buôn Hồ dờp rlau 39 tấn. Ủy ƀan Ñân zân ală kơnhoàl, thị xã geh pà phe tàm dơ̆ do sền sơ wì, dờp phe mờ tam pà ai Ủy ƀan Ñân zân kâp xã in nàng dong kờl di tŭ tus làng bol tàm kàl puh pah. Broă lơh pà phe gàr di bơta phe, tơl bè khà, bơta niam, di cau geh dong kờl mờ di khà dong kờl jat jơnau sồr, ờ lời gơlik geh bơta ờ niam tàm tŭ dờp, phàt phe. Broă pà phe tus làng bol pal lơh gơs lài mờ ngai 30/6 do.