Jăt mờ hơ̆, Sở Jăo zụk mờ Đào tạo càr Dăk Lăk pơn jăt tai tơngguh tai broă lơh bơto wơl jơnau bơsram, bơto pơlam bơta chài ai kơnòm pơrlòng in, ngan là kơnòm pơrlòng ơm tàm tiah sar lơgar ngài, tiah kal ke. Bơdìh hơ̆ tai, ală tiah sền swì wơl nền nòn phan bơna phan ngui gàr niam ală bơta kờñ pal geh; rơcăng lài ală jơnau digơlan gơlik geh, sền gròi tus bơta gơrềng bơh trồ tiah lơh aniai, mìu càl rbŭt dờng dà tih, geh lài broă rơndăp lơh sơrlèt wơl nàng sền gàr dơ̆ pơrlòng geh lơh dồ bă niam lơngăp lơngai, di jơnau sồr. Dơ̆ pơrlòng jơh bơsram kâp pe nam do, càr Dăk Lăk geh 33 anih pơrlòng, mờr 21 rbô nă kơnòm pơrlòng. Gah bơto bơtê neh ai rlau 2 rbô 800 nă kwang bàng lơh kơnòl broă tàm ală mpồl duh broă pơrlòng.

Ồng Phạm Đăng Khoa, Kwang ătbồ Sở Jăo zụk mờ Đào tạo càr Dăk Lăk pà gĭt, nàng dơ̆ pơrlòng geh lơh dồ bă niam lơngăp lơngai, kràn cê, Sở sền gròi ngan bơto pơlam ai kwang bàng lơh broă lùp sền, lòt sền in.