Tàm pơrjum Thủ tướng tơlik nùs nhơm kah ưn ngài mờr 1 tơlăk 200 rơbô nă cau jăk neh khin cha lam lài tam lơh, khin cha tam lơh mờ phi să tài broă bơ̆t bơtàu, sền gàr Dà lơgar, tài bơta lơngăp lơngai, gơboh gơbài Làng bol in.

Tơngai tus, Thủ tướng sồr ală kấp, ală gah lơh broă, ală tiah pơn jăt tai lơh niam gùng dà broă lơh bơh Đảng, adăt boh lam bơh Dà lơgar dê, lơh pràn rơlao tai broă drơng gàr cau ling sồt să, cau ling kòp tê jê să, hìu nhă cau ling chơ̆t màng, cau geh màng mờ dà lơgar. Pơn jăt tai sền wơl, kơlôi sơnơng, lơh gơs mờ lơh niam rơlao tai broă dong kờl adăt boh lam gơwèt mờ cau geh màng, gàr niam di tŭ, geh cồng nha, nàng cau geh màng mờ hìu nhă geh rài kis bơh bè ờs tus tơl ngui tơl sa rơlao hờ đang.