Tŭ do, càr Nam Định geh rlau 36 rbô nă cau ling chơt màng, rlau 41 rbô nă cau ling sồt să mờ cau ling kòp tê jê să, mờr 3 rbô nă mè Việt Nam khin cha jak chài, rlau 10 rbô nă cau lơh broă tàm rài tam lơh gơtìp sơnơm khih điôxin lơh aniai.

Đơs tàm dơ̆ tìp mat, Thủ tướng Cíñ phủ ồng Phạm Minh Chính pà git, tàm broă lơh gàr lơngăp lơngai rài kis mpồl bơtiàn, geh tơngume kuơmàng là gròi sền ai cau geh màng mờ dà lơgar in. Thủ tướng đơs sùm, dà lơgar he neh lòt gan tŭ tơngai jŏ jòng tam lơh ai lơngăp lơngai is, gơnoar tờm mờ tàm tơngai hơ̆, geh uă cau neh chơt phi să tài dà lơgar, geh ală cau rê wơl mơya să jan mờ gam wil tơl tai, kung gam cèng tam să jơnau gơ lời wơl bơh bơta tam lơh dê. Den tàng, Đảng, Dà lơgar geh kal ke kàr lơi kung sồr lơh lài broă đơng lam, sồr lơh, bơt bơtàu ală broă dong kờl, lam lơh ală broă lơh dong kờl wil tơl, nền nòn, pơgồp bơnah bơ tơl wơl dùl bơnah bơh ală roh rui, phi să do dê. Bơta bơ tơl wơl do ờ gơtùi ndrờm mờ ală bơta phi să, roh rui bơh ală cau ling khin cha jak chài, cau ling chơt màng, cau ling sồt să, cau ling kòp tê jê să, hìu bơnhă geh màng mờ dà lơgar dê mơya bol he pal lơh jơh pràn gơtùi.