Ală nam pa do, bal mờ ơruh pơnu gùt lơgar, ơruh pơnu ală jơi bơtiàn dồ ết nă cau càr Dăk Lăk pơn jat tai đơs nền gơnoar broă, sùm lùp bơsram, bơsram tàp, pơnđơl pràn lơh ngan brồ guh tàm rài kis. Tàm broă lơh tìp mat, ală cau bơsram dờng pơn rơ jak tus bal neh tus bal uă broă lơh, bè: Chu ñàng tàm Rùp kah kơlôi ală cau ling chơ̆t màng Nam Tiến mờ chu ñàng tàm Rùp Wa Hồ dê; gùng lòt “Sền gĭt niam chài”, cribơyai “ Bơyai bè bơhiàn niam chài cau bơsram dờng Dăk Lăk tàm broă lơh mut gơrờm bal mờ bơtàu tơnguh; cribơyai “tàm tơrbŏ cau bơsram dờng mờ cau lơh sa kă bro, mpồl lơh sa kă bro”.

Di dơ̆ do, Mpồl cau bơsram dờng Việt Nam càr Dăk Lăk neh jờng rơ 50 nă cau bơsram dờng jơi bơtiàn dồ ết nă cau pơn rơ jak ngan; Bơyai lơh tơlik mat Mpồl bơhiàn niam chài Cau bơsram dờng càr Dăk Lăk. Mpồl geh tơlik mat nàng kờñ lơh geh tiah nhơl geh kwơ, dong ală bơyô kơnòm să geh tŭ tơngai niam jòi gĭt, sền gĭt mờ sền gàr ală bơta kwơ niam chài ờs mờng bơh jơi bơtiàn he dê.