“Hìu cau ling bal” ơnàng 100 thơk vuông neh geh jàu pà hìu bơnhă Đại uý Y Thuy Bkrông – Cơldŭ lơh broă Triñ sát Gah đơng lam ling sền gàr tiah nhàr lơgar càr Dăk Lăk. Hìu ơm dờng niam, bềng lìu nùs nhơm cau ling bal, oh mi bal rơ̆p dong 6 nă cau tàm hìu bơnhă ling geh griăt Y Thuy Bkrông in iang nùs ơm kis, lơh broă, brồ guh kơ̆ kơl jăp rài kis; mơkung lơh geh bơta pin dờn ai kwang bàng, cau ling in iang nùs đềt mềr mờ mpồl ling, crăp rcang dờp mờ lơh sir jak ngan tơl kơnòl broă geh jàu.

Jat Đại tá Đào Viết Hùng – Kwang atbồ Gah đơng lam mpồl ling sền gàr tiah nhàr lơgar càr Dăk Lăk pà gĭt, tàm nam 2024, ală anih lơh broă, mpồl lơh broă, mpồl lơh sa kă bro neh lòt bal dong kờl geh 11 nơm “Hìu Cau ling bal” mờ “Hìu ram mhŭ tiah nhàr lơgar” dong kờl làng bol tàm tiah nhàr lơgar mờ ling geh griăt geh kal ke bè hìu ơm. Tàm hơ̆, mìng is VOV Tây Nguyên neh lơh pà 2 nơm hìu kờp priă 150 tơlak đong.