VOV4.K’ho- Jơnau yal bơh Học viện quân y (Bộ Quốc phòng) dê, tơnơ̆ tŭ lơh gơs broă cit ding dơ̆ 2 ai 1 rbô nă cau tus bal is (dơ̆ 3a), drim ngai 27/7, ală anih tờm tus bal kơlôi sơnơng tơrlòng lài sơnơm vaccine Nano Covax rơcang sơndră kòp Covid-19 tơngai dơ̆ 3 neh lam lơh cit tơrlòng ding dơ̆ 2 ai 12 rbô nă cau tus bal is (gơ wèt dơ̆ 3b) in. Lài mờ tŭ cit tơrlòng lài, ală cau tus bal is pal yal bè tiah lòt rê, kham gròi sền ală bơta pal geh jat jơnau sồr bè pràn kơldang să jan nàng cit. Lài hơ̆, 13 rbô nă cau tus bal is (dơ̆ 3a mờ 3b) neh lơh gơs ding cit tơrlòng lài sơn rờp sơnơm vaccine Nano Covax tàm ngai 14/7; tơnơ̆ hơ̆, 1 rbô nă cau tus bal is (dơ̆ 3a) lơh gơs ding cit dơ̆ 2 tàm ngai 22/7. Ală cau tus bal is geh pràn kơldang să jan niam, ờ geh cau lơi gơbàn bơta ờ niam bơdìh mờ jơnau kờp dŭ lài. Ngai 15/8 tus do, kờp dŭ ală mpồl geh lơh gơs broă cit ding dơ̆ 2 bơh jơh gùt tơngai dơ̆ 3 in.

Cau mblàng K’Duẩn