VOV4.K’ho – Drim òr 13/10, mìu càl rbu\t dờng Khanun neh tus tàm tiah đah tô bồt Luzon, lơgar Philippines dê mờ tus tàm dà lềng đah mat tơngai lik, dơ\ mìu càl rbu\t dờng sồ 11.

Tềng đap jơnau mìu nhàc dà ko\ dà cò lơh aniai uă ngan bè kòn bơnus mờ phan bơna tàm ală càr tiah đah tô dà lơgar, tàm tu\ dơ\ mìu càl rbu\t dờng pa sồ 11 tus tàm dà lềng đah mat tơngai lik, Thủ tướng Nguyễn Xuân Phúc neh ki\ Công điện bè jơnau sồr, bal mờ broă tơrgùm bơsong jơnau gơ aniai hoàc hươr tơnơ\ dơ\ mìu nhàc dà ko\ dà cò, ală bộ, gah lơh broă dà lơgar, Mpồl đơng lam dà lơgar bè rơcang sơndră trồ tiah lơh aniai bal mờ ală tiah, ngan là ală càr tiah kơh bơnơm pơn jat tai jat sền, di tu\ đơng lam tam dră wơl mờ jơh ală jơnau digơlan gơlik geh, rơcang lài ngòt tơrlah ù tơnơ\ uă ngai mìu dờng sùm, ù tiah gơ ơm bal mờ dà;

rơcang lài ntrờn làng bol lik dô bơh ală tiah ngòt rơngơ\t, ngan là ală tiah digơlan gơtìp tơrlah ù nàng kờ` gàr niam ờdo ờdă màng kis ai làng bol in. Ală bộ, gah lơh broă dà lơgar rơcang lài sồr ală anih lơh broă geh gơrềng lòt sền, di tu\ dong kờl ală tiah bơsong jơnau gơ aniai hoàc hươr bơh trồ tiah dê lơh;

lơh broă sùm jat sền niam bơta gơlik geh bơh trồ tiah, mìu nhàc dà ko\ dà cò mờ bơta gơlik geh bơh dơ\ mìu càl rbu\t dờng sồ 11 dê, di tu\ đơng lam, sồr ală bộ, gah lơh broă dà lơgar bal mờ ală tiah pơn jat tai lơh ală broă lơh tam dră wơl.

Cau cih mờ yal tơngi\t-Lơ Mu K’ Yến