VOV4.K’ho- Thủ tướng Chính phủ pơn jat tai geh công điện sồ: 1102 pơyoa ală càr, ƀòn dờng gơwèt Dà lơgar, ală Bộ, gah sơnah lơh broă, anih lơh broă gơwèt Chính phủ.

Tơngume công điện sồr bè do: Nàng sơr băc mhar kơryan kòp, gròi sền jai kòp, sền gàr pràn kơl dang să jan, màng kis bơh làng bol dê là hơđang rlau jơh, lài ngan rlau jơh, ală Kuang bàng Bí thư Tỉnh ủy, Thành ủy, Chủ tịch Ủy ban Nhân dân càr, bòn dờng gơwèt dà lơgar, Bộ trưởng, Kuang atbồ anih lơh broă ndrờm mờ Bộ, anih lơh broă gơwèt Chính phủ, anih lơh broă geh gơrềng pơn jat tai tơrgùm đơng lam, sồr lơh mờ bơyai lơh jat niam, niam ngan, kràñ cê jơh nùs, geh cồng nha ală broă lơh rcang sơndră kòp Covid-19; tàm hơ̆ kuơ màng ngan là sền ngăc tơrgùm đơng lam, sồr lơh mờ hòi jà bơta tus bal bơh làng bol dê; Ai xã, sơnah ƀòn, thị trấn là “anih”, làng bol là “cau ling”, là anih tờm drơng broă, là cau tờm rcang sơndră kòp. Broă lam lơh jat kung gam là broă lơh ờ hềt pràn, ngan là tàm bàr pe xã, sơnah ƀòn, thị trấn. Ală Bộ, gah sơnah lơh broă, ală tiah jat gơnoar broă, kơnòl broă, gơnap gơnoar geh jàu sơr băc mhar bơsong ală bơta ờ hềt lơh geh, bơta ờ hềt pràn, lam lơh jat kràñ cê jơh nùs rlau tai, niam rlau tai, geh cồng nha rlau tai ală broă lơh.

Cau mblàng K’Hạnh