VOV4.K’ho –Nam 2018, mpồl sền gàr mờ bơtàu tơnguh brê bơh càr Kon Tum dê pơn jat tai cih dờp uă tềl tơngo\ niam ngan. Hơ\ là bơta lơh tìs adat brê bơnơm pơndrờm mờ nam 2017 gơmù jơh bal 3 bơta: khà dơ\, khà dơm chi brê mờ bă brê gơtìp hoàc hươr.

Ờ mìng geh bè hơ\ lơm, broă càr lơh geh cồng nha broă lơh tă tơm priă drơng broă sền gàr brê neh geh gơdờp niam ngan gơ wèt mờ broă lơh atbồ sền gàr brê kung bè tơnguh uă jơnau gi\t wa\ geh kơnòl bơh làng bol dê. Hơ\ làng bơta niam ngan, jơh nùs ngan mờ broă lơh tă tơm priă drơng broă sền gàr brê gam cèng wơl ai làng bol, [òn lơgar kung bè ală mpồl cau tờm brê tàm càr Kon Tum in.

Nam 2018, broă lơh bơh Kes priă Sền gàr mờ Bơtàu tơnguh brê càr Kon Tum dê geh uă tam gơl pa. Mờ khà priă tă tơm priă drơng broă sền gàr brê gơ wèt mờ anih lơh hìu măy pờ tơlik ồs đèng gơguh bơh 22 đong tus 36 đong tàm dùl ki lo oat jiơ, priă geh bơh priă drơng broă sền gàr brê bơh Kes priă dê là 248 tơmàn gơguh 80% pơndrờm mờ nam 2017.

Bal mờ hơ\, nam 2018 kung là nam sơnrờp ờ lơh jat sền swì wơl ai broă lơh drơng broă sền gàr brê, mờ tă tơm priă jat tàm cồng nha kờp sền bă brê geh broă lơh bơh Kes priă tă tơm pơgồp bal mờ ală tiah, ală anih lơh broă gơrềng bal dê lơh.

Bal mờ hơ\, ală mpồl cau tờm brê, Mpồl atbồ tă tơm priă drơng broă sền gàr brê kấp kơnhoàl ờ duh pal geh broă rơndăp lơh tă, dơ\ ngui. Kơnòl do kung bơh Kes priă Sền gàr mờ Bơtàu tơnguh brê dê lơh, yal mờ Mpồl duh broă atbồ Kes priă in ring bal, jun yal mờ Ủy ban Nhân dân càr in sền swì, lơh nền.

Ồng Hồ Thanh Hoàng, Kuang atbồ Kes priă Sền gàr mờ Bơtàu tơnguh brê càr Kon Tum dê pà gi\t, bơh bồ nam tơn tus dì ală nhai lồi nam, mpồl lơh broă do sùm rơcang lài, lam lơh uă gùng dà broă lơh nàng lơh gơs kơnòl geh jàu.

Nàng lơh gơs kơnòl broă nam 2018, bol a` sồr ngan ală anih ngui broă lơh drơng broă sền gàr brê tơm tơl priă tă tơm drơng broă sền gàr brê nàng dan càn ing mờ tơm di tu\ ai ală cau tờm brê, UBND kấp xã in.

Bol a` pơgồp bal mờ Chi cục Kiểm lâm, cau tờm brê lam lòt kừp sền bă brê geh broă lơh tă tơm priă drơng broă sền gàr brê lài mờ tu\ lơh sră wa\c rùp ù tiah mờ tàm tu\ dilah geh jơnau sồr ki\ dờp sră wa\c rùp ù tiah, sră tơrgùm kờp jơh bă brê geh broă lơh drơng broă sền gàr brê bơh mpồl cau tờm brê dê lơh cơng tàng tơm priă tă tơm priă drơng broă sền gàr brê.

Bol a` sac rwah dùl ngân hàng kă bro geh tơl pràn jak, priă tă lơh broă dipal pơgồp bal mờ ngân hàng geh sac rwah lơh tài khoản ai ală cau tờm brê là hìu bơnhă, cau dùl nă să, làng bol [òn lơgar, thôn in nàng lơh tă tơm priă drơng broă sền gàr brê bơh tài khoản ngân hàng.

Nàng kờ` tam pà bal uă ngan bơta kuơ ai làng bol lơh broă brê in, pơgồp bơnah tơn jơh jơgloh tơrmù r[ah, ngan là ai làng bol kòn cau tàm tiah sar lơgar ngài, tiah kal ke in. Nhai 5 nam 2018, Sở Nông nghiệp mờ Phát triển Nông thôn bal mờ Kes priă Sền gàr mờ Bơtàu tơnguh brê càr Kon Tum neh dan mờ UBND càr geh Quyết định sồ 510 tam gơl Broă lơh jàu atbồ, sền gàr brê tơngai bơh nam 2016- 2020.

Jat mờ hơ\, bă brê geh broă lơh drơng broă sền gàr brê jat atbồ sền gàr ai hìu bơnhă, cau dùl nă să, làng bol [òn lơgar, thôn in nam 2018 gơguh pơndrờm mờ nam 2017 rlau 26 rbô 700 lồ, tơnguh jơh bă brê geh broă lơh drơng broă sền gàr brê jàu ai hìu bơnhă, cau dùl nă să, làng bol [òn lơgar, thôn in sền gàr gơguh tus mờr 150 rbô lồ, geh rlau 54% bă brê geh broă lơh drơng broă sền gàr brê bơh cau tờm brê dê là mpồl lơh broă dà lơgar.

Geh priă bơh broă tus bal atbồ, sền gàr brê, rài kis làng bol dê geh tam gơl niam mờ brê geh sền gàr niam rlau. Do là ală jơnau đơs bơh làng bol dê mờ bol a` neh cih wơl geh tàm dùl nam lơh Jơnau Mpồl bơtiàn sền gàr mờ Bơtàu tơnguh brê.

 Lài do, làng bol he mus brê khat gơboh gơlềng gơlàng ngan. Tu\ do, geh sền gàr gơ dê, cang gàr ròng gàr brê gơlơh jat is ngan gơ dê. Làng bol he krà` cê ngan ờ go\ mus brê tai. Brê tàm do, lài do gơtìp mus den tu\ do neh kis dờng wơl.

Broă atbồ sền gàr brê să tờm a` kung hòi jà, mblàng yal ai ală hìu bơnhă in gi\t broă lơh mờ sền gàr, tơl nă cau là bàr nơm mat, bàr nơm tồr nàng sền nàng iat, nàng sền gàr brê ai să tờm in kung bè là ai jơh gùt làng bol in geh dờp bơta dong kờl drơng broă sền gàr brê. Den uă ngan pah nhai bè hơ\ nàng lam lòt sền jòi ku\p mờ geh tềl tơngo\ mus brê tìs mờ kơrnoat boh lam là làng bol lòt jòi ku\p is.

Bal mờ dong kờl làng bol rềp mềl mờ brê, broă càr Kon Tum lơh geh cồng nha broă lơh tă tơm priă drơng broă sền gàr brê gam dong 19 mpồl cau tờm brê là mpồl atbồ rlau 288 rbô lồ brê geh broă lơh drơng broă sền gàr brê, 74 UBND xã, thị trấn atbồ rlau 28 rbô lồ brê geh broă lơh drơng broă sền gàr brê geh priă tă lơh broă jo\ jòng mờ kơ\ kơl jăp bơcri ai broă lơh sền gàr mờ bơtàu tơnguh brê in.

Ală jơnau đơs mờ cau lơh báo gah jơnau do geh cih wơl bơh ala mat bàr pe cau tờm brê, mpồl atbồ mờ kuang đơng lam bồ Kes priă Sền gàr mờ Bơtàu tơnguh brê càr Kon Tum pà go\, broă lơh tă tơm priă drơng broă sền gàr brê là bơta dong kờl pràn kơldang ngan nàng sền gàr mờ bơtàu tơnguh brê.

Broă lơh geh cồng nha broă lơh tă tơm priă drơng broă sền gàr brê tàm ù tiah càr Kon Tum neh pơgồp bơnah uă ngan tàm broă sền gàr mờ bơtàu tơnguh brê. Bè priă drơng broă sền gàr brê neh pơgồp bơnah gàr niam ai broă lơh sền gàr mờ bơtàu brê bơh 360 rbô lồ brê dê, tus 63,5% kờp jơh ù tiah geh brê bơh càr dê.

 Ală cau tờm brê là mpồl lơh broă Dà lơgar, UBND ală xã kung bè ală hìu bơnhă cau dùl nă să is neh geh priă jền sùm mờ kơ\ kơl jăp nàng rơcang lài tàm broă lơh sền gàr mờ bơtàu tơnguh brê.

Tơrgùm kờp ờ hềt wil tơl pà go\, tàm nam 2018, Kes priă Sền gàr mờ Bơtàu tơnguh brê càr Kon Tum dê neh bơyai lơh 56 dơ\ Pơrjum mblàng yal bè broă lơh tă tơm priă drơng broă sền gàr brê kấp xã; bơto pơlam 18 [òn lơgar, thôn lơh sră nggal lơh tơrlòng lài tă tơm priă drơng broă sền gàr brê bơh tài khoản ngân hàng; pờ 4 ơdu\ pơlam tơnguh uă bơta jak chài ai ală cau tờm brê là mpồl cau mờ Kes priă Sền gàr mờ bơtàu tơnguh brê kấp xã in; in tơngume mblàng yal tềng kơltau sră mờ pà ală kơnòm bơsram 75 xã, thị trấn tàm tiah geh broă lơh drơng broă sền gàr brê; pơgồp bal mờ Sở Nông nghiệp mờ Phát triển Nông thôn lòt sền atbồ, ngui priă drơng broă sền gàr brê gơ wèt mờ 12 cau tờm brê là mpồl cau...

Bơh ală broă lơh do, gi\t wa\ bè broă lơh mờ cồng nha lơh jat broă lơh tă tơm priă drơng broă sền gàr brê bơh ală mpồl cau, cau dùl nă să is dê tàm càr Kon Tum geh sơlơ tơnguh uă tai.

 Bal mờ hơ\ tus nhai 10 nam 2018, Kes priă Sền gàr mờ Bơtàu tơnguh brê càr Kon Tum neh lơh broă ai ing lài tă tơm rlau 84 tơmàn priă drơng broă sền gàr brê nam 2018 ai 19 mpồl cau tờm brê là mpồl cau mờ 74 UBND xã, thị trấn.

Broă tă tơm di tu\ priă drơng broă sền gàr brê neh dong ală mpồl cau tờm brê geh priă bơcri ai broă lơh atbồ sền gàr brê mờ làng bol, [òn lơgar geh tai priă jền tam gơl pa rài kis kung bè lơh geh broă lơh broă sa kơ\ kơl jăp. Nam 2018 pơn jat tai là nam lơh geh cồng nha tàm jơh ală broă lơh bơh Kes priă Sền gàr mờ Bơtàu tơnguh brê càr Kon Tum dê.

Cau mblàng Lơ Mu K’Yến