VOV4.K’ho-Broă lơh tơm priă drơng broă sền gàr brê bơh tu\ geh lơh neh geh uă bơta gơdờp niam tus mờ broă lơh atbồ mờ sền gàr brê tàm Tiah Sền gàr Brê bơnơm geh is Ngọc Linh, kơnhoàl Đăk Glei, càr Kon Tum. Kuơmàng, tàm 2 nam rềp ndo, priă jền bơh kes priă drơng broă sền gàr brê tam pà ai tiah sền gàr do in gơguh tai uă ngan, là bơnah priă kuơmàng ngan nàng lơh broă atbồ mờ sền gàr brê jat gùng dà kơ\ kơl jăp tàm do.

Làng bol cau Jeh Triêng tàm [òn Đăk Gley, xã Đăk Choong, kơnhoàl Đăk Glei, càr Kon Tum neh tus bal dờp atbồ mờ sền gàr brê mờ Mpồl atbồ Tiah Sền gàr Brê bơnơm geh is Ngọc Linh tus tu\ do neh rlau 10 nam.

Ồng A Cút, ơm tàm [òn Đăk Gley, pà git: lài do, làng bol lòt mus brê ai ù lơh mìr halà koh kơl chi brê mơya bơh dì tu\ tus bal dờp atbồ mờ sền gàr brê, jơnau do ờ go\ gam gơlik tai, ala tàm hơ\ là làng bol jơh nùs ngan sền gàr brê. Brê lơh geh priă jền ai làng bol in mờ làng bol kung neh tơnguh uă jơnau gi\t wa\ bè bơta kuơ phan kis, sền gàr tiah kis bơh brê dê.

Brê tàm do, lài do den gơtìp mus kơl, tu\ do brê kis dờng niam wơl. Tu\ do, neh geh sền gàr, cang gàr ròng sền gàr brê lơh jat is jơh lơm, làng bol he sền gàr krà` ngan, làng bol he ờ go\ mus brê ai ù lơh mìr tai. Bè a` do, den kơ\p kờ` ngan, hòi jà làng bol ba` lơh bè lài do tai, tu\ do, prăp gàr, sền gàr den tơnơ\ do lơh geh priă jền uă ngan.

Ồng A Điêng, Tổ phó Tổ atbồ mờ sền gàr brê [òn Đăk Gley pà gi\t, làng bol dờp atbồ mờ sền gàr rlau 700 lồ brê gơ wèt Tiểu khu 53, Tiah Sền gàr Brê bơnơm geh is Ngọc Linh. Nàng sền gàr geh cồng nha bă brê do, 176 hìu bơnhă làng bol tàm [òn tam pà gơ gơs 6 mpồl nàng tàm pơdar gơ\p lòt sền gàr brê.

Bè ờs, den broă lòt sền geh lơh tàm drim ngai dơ\ poh halà tàm ngai rlô pah poh, mơya kung geh lòt sền tàm ală tu\ tơngai ndai sơl, tu\ kơno geh jơnau yal geh cau pin digơlan lơh aniai brê là làng bol lòt sền jơh bal tàm trồ mang kung bè trồ ngai, lòt sền bơh tàm àng drim gờ`.

Broă lơh sền gàr brê geh lơh krà` ngan, tài bơh tu\ do, do là priă lơh geh uă ngan bơh làng bol dê. Ală nam rềp ndo, kờp bal pah nam, [òn dờp geh mờr 300 tơlak priă bơh broă lơh sền gàr brê.

Priă jền do nàng [òn ngui bơcri lơh niam wơl bàr pe broă kuơmàng, bè hìu bơyai tơr`a [òn, halà ngui tàm ală ngai lơh chờ kuơmàng [òn dê, dong kờl hìu r[ah, hìu cau ơm kis is dùl nă să, gam wơl den tam pà ală hìu bơnhă làng bol in.

Tàm bă brê sền gàr là làng bol tus sền, sền swì, ngòt ală cau bơh tiah ndai halà bơh [òn ndai lòt mu\t tàm brê koh kơl dơm chi brê, jòi phan kuơ tàm brê mờ he atbồ. Den tàng lam lòt sền, pah dơ\ lòt jat tổ lòt tàm pơdar sùm bè hơ\. Lòt sùm là niam ngan, ờ go\ geh cau lơi mus sơgràm tàm brê ờ, làng bol geh kơnòl sền gàr tàm tiah hơ\.

Tiah Sền gàr Brê bơnơm geh is Ngọc Linh tu\ do gam atbồ mờr 38 rbô lồ brê mờ mờr ndrờm bè jơh ală bă brê do gam tơm priă drơng broă sền gàr brê gơ wèt mờ bàr hiòng dà kuơmàng bơh 2 hìu măy pờ tơlik ồs đèng Ia Ly mờ Đăk Mi 4 dê.

Do là dùl tàm ală mpồl dờp geh priă tơm drơng broă sền gàr brê uă ngan rlau jơh càr Kon Tum dê kung bè tiah Tây Nguyên. Tàm hơ\, nam 2017, Mpồl dờp geh mờr 14 tơmàn priă.

Ai tàm nam 2018, digơlan jat bơta tam gơl bơh bơh Nghị định 147 Chính phủ dê, tơnguh priă tơm priă sền gàr brê gơ wèt mờ anih lơh sa hìu măy pờ tơlik ồs đèng gơguh bơh 20 đong tàm dùl ki lô oát jiơ gơguh tus 36 đong tàm dùl ki lô oát jiơ, mpồl geh dờp geh mờr 19 tơmàn priă.

Bơh bơnah priă drơng broă sền gàr brê, Mpồl atbồ Tiah Sền gàr Brê bơnơm geh is Ngọc Linh neh lơh mờ neh jàu atbồ mờ sền gàr 15 rbô lồ brê ai 49 [òn là làng bol kòn cau ơm kis rềp kềng mờ brê in mờ khà priă êt ngan rlau jơh là bơh 400 rbô đong dùl lồ tàm dùl nam, digơlan geh pơn jat tai jàu tai 8 rbô lồ ai 30 [òn in bơh tu\ do tus lồi nam.

Priă drơng broă sền gàr brê ngan là priă jền kuơmàng ngan nàng Mpồl do pơgồp bal mờ làng bol lơh broă lơh atbồ, sền gàr brê jat gùng dà kơ\ kơl jăp.

Cau mblàng Lơ Mu K’Yến