VOV4.K’ho - Tềng đăp mờ bơta kòp Covid-19 gơtìp kal ke, bơh nam 2020, Điện lực Dăk Lăk neh bơ̆t bơtàu mã QR Code pờ tàm internet tus mờ ală anih sền gàr cau ngui, pang yal tơngit điện tử dà lơgar, anih yal tơngit broă lơh càr Dăk Lăk, dong kờl cau năc ơm tàm hìu kung gơtùi lơh jăt ală broă lơh bè ồs đèng sơl.

                              Lơh broă tơm priă mờ mã QR Code tàm website cskh.cpc.vn

Bơh tŭ hơ̆, bơh bồ nam 2021 tus tŭ do, Công ty neh dờp mờ bơsong 56 rơbô jơnau dan ală bơta broă lơh lơh ồs đèng bơh tàm internet, tàm hơ̆ geh: Lơh ồs đèng pa; tam gơl bơta pràn ồs đèng, tơngu me broă ngui ồs đèng; ala công tơ ồs đèng, tam gơl tiah was, kờp; dan cih măt lơh jăt broă tơm priă ồs đèng... Gơwèt mờ ală bơta broă lơh gơlik geh priă tă, công ty neh bơto sồr cau ngui lơh jăt broă lơh tàm internet cấp độ 4. Jăt mờ hơ̆, broă tơm priă geh lơh tàm internet bơh ală phan ngui ZaloPay, Momo, Payoo, Vimo ha là phan lơh broă mờ Ngân hàng bơh mã QR-Code,  pang tơm priă VNPay. Kờp jơh khà priă neh geh lơh tàm 8 nhai do là rơlao 2 tơmàn 100 tơlăk đong.

Cau mblàng Ndong Brawl