VOV4.K’ho - Tềng đăp mờ kal ke bơh kòp Covid-19, sơrlèt mờ ală kal ke, Công ty Trà Dak Nông neh geh uă broă drơng gàr rài kis cau lơh broă in. Ờ mìng dong kờl cau lơh broă geh broă lơh mờ geh priă ring niam, công ty gam lơh jăt ală broă lơh sơnơm dong kờl cau lơh broă iang nùs nhơm broă.

Kung bè uă cau lơh broă ndai tàm Công ty Trà Dak Nông, bi Bùi Văn Thiều, (kis tàm xã Nhân Cơ, kơnhoàl Dak Rlấp) lơh công nhân tàm phân xưởng Cô đặc – Hiệu chỉnh dung dịch gơlơh chờ ngan tài Công ty gam gàr niam broă lơh mờ priă nhai cau lơh broă in.

             Công ty trà Dak Nông gam lơh broă mờ lơh jăt broă rơcang sơndră mờ kòp gơtòp

Bi Bùi Văn Thiều pà g^t, ờ mìng ring niam lơh broă tàm geh priă, công ty gam lơh jăt nền nòn broă rơcang sơndră mờ kòp Covid-19, dong kờl cau lơh broă iang nùs tàm broă lơh.

-Lài mờ tu\ mu\t lơh broă tàm công ty, bol a` geh was bơta duh să jan, rào tê mờ dà angkôl, ha là rào tê mờ dà ra`, pơn jăt tai tu\ mu\t tàm anih lơh broă pal pơn jăt tai rào tê kờ` tam jào broă lơh.

Tàm broă lơh den bol a` sùm pal lơh jăt nền nòn broă pơn chèo gòm muh măt, ală phan dong kờl den hơ\ sồng geh tìp rềp bal.

Ờ mìng tàm dơ\ gơtòp kòp Covid-19 do, mờ pah nam, tàm ală dơ\ chờ, satềp ha là tu\ công nhân gơtìp kòp, rềs àr tàm dơ\ lơh broă, Công ty Trà Dak Nông ndrờm bơyai lơh pà phan, còp să, lam sồr mờ dong kờl 70% khà priă nhai tàm tơngai sơm kòp.

Bè bi Trịnh Đình Tuyền, lơh broă tàm anih đơng lam lơh sa, gơtìp rềs àr lơh broă, gơtìp lu\t tê, pal ơm lơh broă rơlao 1 nam. Bi Tuyền yal: tàm tơngai ơm lơh broă tài gơtìp rềs àr, bi gơlơh ờ su\k ngan, mơya bi geh broă sền gròi bơh kuang đơng lam công ty, mpồl đơng lam công đoàn, lơh bi iang nùs rơlao.

-Bè broă dong kờl bơh công ty gơwèt mờ cau lơh broă den jơh ală broă dong kờl bơh công ty ndrờm geh lơh jăt adăt mờ broă dong kờl bơh dà lơgar dê.

Den tàng ală broă gơrềng bal tus mờ bảo hiểm, dong kờl cau lơh broă mờ ală gơnoar kuơ den a` go\ geh tơl mờ di tu\. Geh lơh broă tàm tiah bè do den a` go\ do là dùl bơta bơtoah ngan.

Công ty trà Dak Nông – TKV tu\ do geh rơlao 1 rơbô 100 nă kuang bàng, công nhân, cau lơh broă.

                                 Phan Alumin geh ơn lài tàm kơl dung mờ tu\ tăc mờ lơgar bơdìh

Ồng Nguyễn Văn Hiếu, Chủ tịch Công đoàn Công ty đơs: Cai lơh broă là bơta pràn kờ` Công ty tơnguh bơtàu ring niam, kơl jăp. Mờ kơnòl bơh Công đoàn dê, sùm tơnguh gơnoar drơng gàr rài kis, ala măt, sền gàr gơnoar kuơ, bơta kuơ di mờ adăt boh lam công nhân in.

Tềng đăp mờ bơta kal ke bơh kòp Covid-19, Công đoàn Công ty kung geh uă broă lơh kờ` sền gàr niam ngan bơta pràn kơl dang să jan cau lơh broă in.

-Mpồl lơh broă bol a` neh crơng gơs ală gah, ală mpồl ai geh ală broă lam sồr tàm pano áp phích kờ` rơcang sơndră mờ kòp Covid tơn bơh tàm tiah lơh broă.

Bơdìh hơ\ tai, bol a` kung bơyai lơh tam cah tơngai lơh broă kờ` pleh mờ tơrgùm gal cau; tam cah gơs uă anih sào. Mpồl lơh broă bơyai lơh blơi chèo mờ dà rào tê lơh kloh vi khuẩn tus mờ tơl phân xưởng ai cau lơh broă in.

Ồng Nguyễn Bá Phong, Phó kuang atbồ Công ty Trà Dak Nông – TKV pà g^t, công ty lơh jăt kơnòl mờ 2 tơngu me tòm là rơcang lơh jăt ală broă rơcang sơndră mờ kòp, mờ gàr niam broă lơh sa.

Bơh bồ nam tus tu\ do, công ty neh lơh geh cồng nha rơndăp broă geh ai bơh nam dê mờ broă tăc mờ lơgar bơdìh geh 177 rơbô tấn Alumin tam gơl. Den tàng, bu\ lah tìp uă kal ke tài kòp Covid-19 gơtòp, mơya Công ty neh di tu\ tơmù, gàr priă geh ring niam ai kuang bàng, cau lơh broă in.

-Tàm tơngai pa do den kòp gơtòp kung neh lơh aniai tus mờ broă lơh sa, tàm hơ\ kuơ màng ngan là ală phan lơh broă blơi bơh lơgar bơdìh. Den tàng công ty kung rơcang pơgồp bal mờ ală anih lơh broă bal ai tơl mờ di tu\ broă lơh sa kờ` gàr di tơngai lơh broă.

Kòp pluh Covid mùl màl ờ geh tàm rơndăp broă mờ là gơbàn, bol a` kung jăt mờ bơta gơbàn hơ\ sồng geh ai ală gùng dà broă lơh, tàm hơ\ bol a` geh ai ală phan ngui, chèo gòm muh măt, dà rào tê, [ồm lơh kloh kòp, ai geh tơl phan lơh broă công nhân in kờ` rơcang sơndră mờ kòp.

Tàm tu\ geh uă mpồl lơh sa kă bro tàm Tây Nguyên đơs si mờ gùt lơgar đơs bal pal til mpồng ơm ờ lơh broă tài gơrềng ờ niam bơh kòp Covid-19, lơh gơbàn aniai uiă ngan tus mờ rài kis cau lơh broă, den Công ty Trà Dak Nông gam gàr niam broă lơh ai rơlao 1 rơbô 100 nă cau lơh broă tàm tiah do in.

Cau mblàng Ndong Brawl