VOV4.K’ho – Drim òr (28/3), tàm hìu lơh broă Chính phủ, Phó Thủ tướng Vương Đình Huệ đơng lam pơrjum sền sơwì broă lơh đơng pơlam khà priă mờ sền gròi bơta roh bơngă khà priă 3 nhai bồ nam do. Jat jơnau yal, khà priă ngui sa (CPI) gam gơ jat di mờ bơta ờs mờng, tu\ gơguh dùl êt tàm nhai 1, kờp bal 3 nhai bồ nam kờp du\ gơguh 2,63%, là khà lơyah ngan rlau jơh tàm 3 nam sùm rềp ndo. Bơta roh bơngă khà priă gơguh dùl êt pơn drờm mờ bal tu\ nam  lài. Phó Thủ tướng đơs là, broă đơng pơlam khà priă 3 nhai bồ nam do neh lơh geh uă cồng nha niam, tài geh bơta pơgồp bal krà` cê, ring niam bơh ală bộ, gah broă lơh dê. Phó Thủ tướng sồr ală bộ, gah lơh broă đơng pơlam khà priă ờ mìng gơwèt tàm khà lơh gơlik – jơnau kờ` bơh drà kă bro dê, mờ gam pal bơh bơta geh ngan mờ gơlik geh khà priă dê, pal di tu\ geh jơnau dan mờ Chính phủ, Thủ tướng Chính phủ tàm broă lơh sa mờ ngui sa.