VOV4.K’ho - Ngai òr, 19/4, tàm [òn dờng Buôn Ma Thuột, càr Dak Lak, lơh geh  cri bơyai jak chài dunia ‘’Bơtàu tơngguh lơh sa suơn sre công nghệ cao mờ broa\ lơh pơnjờng tam gơl pa bơceh, ngui công nghê pa tiah Tây Nguyên tàm rài pa. Ala\ cau jak chài, ala\ cau jak lơh broa\ sa suơn sre,  cau atbồ drờm  đơs là,  bơta bơtàu tơngguh bơh lơh sa sươn sre tàm tiah do tờm ngan la mpồl lơh sa ka\ bro dềt ngan, dềt mờ di mơ, khà mpồl lơh sa ka\ bro dờng la êt, mpồl lơh sa ka\ bro geh cau lơh broa\ bơh 200 na\ cau ua\ rlau mìng tus 2%. Tây Nguyên kung la tiah  geh khà mpồl lơh sa ka\ bro lơh sa gơbàn  ờ geh cồng, hoàc hươr lam bồ  tàm dà  lơgar mờ 27%.

Broa\ ka\ bro tàm tiah do kung geh lơyah,  mìng geh 3 càr la Lâm Đồng, Dak Lak, Gia Lai geh khà gơguh  ua\ rlau, càr Kon Tum geh di mơ mờ càr Dak Nông la lơyah ngan. Tàm dơ\ cri bơyai, ala\ cau kuang neh cri bơyai bè ala\ broa\ lơh, chính sách chul chồl ngui công nghệ pa mờ chul chồl tam gơl pa bơceh khoa học công nghệ tàm Tây Nguyên, tơngguh khà đơng pơlam, lơh niam gah ka\ bro, nàng chul chồl bơtàu tơngguh lơh sa ka\ bro tàm Tây Nguyên.

Cau mblàng K’ Brọp