VOV4.K’ho – Tàm [òn dờng Cao Lãnh, càr Đồng Tháp, Thủ tướng Nguyễn Xuân Phúc neh tus bal Cribơyai bơtàu tơnguh drà kă bro ai gah lơh biap-kơnuh-plai chi mờ broă lơh bơtàu tơnguh gùng lòt drơng broă lơh sa suơn sre mờ tiah [òn lơgar in.

Biap, kơnuh, plai chi lơgar Việt Nam dê tu\ do tac tus 70 lơgar mờ kơnhoàl ù tiah. Ờ mìng drơng jơnau kờ` tàm lơgar, ală bơta phan do gam cèng wơl bơta kuơ tac hờ lơgar ndai geh 3 tơmàn 400 tơlak đôlar Mỹ tàm nam do, uă rlau priă lơh geh bơh tac kòi phe hờ lơgar ndai, tàm tu\ bă ù tam den ờ hềt ndrờm gùl bă ù lơh kòi.

Bulah bè hơ\, Thủ tướng đơs là, priă lơh geh bơh biap-kơnuh-plai chi lơgar he dê mìng geh 1% khà dunia dê là lơyah ir.

Thủ tướng đơs ờ uă bơta ờ niam bơh gah do dê bè cồng nha tơnhàu gam lơyah; bơta niam, cồng nha lơh geh gam uă bơta ờ niam. Công nghệ sinh học, ngan là broă lơh gơlik sơntìl ờ hềt niam. Hoàc huơr tơnơ\ mờ tu\ tơnhàu gam uă, geh rlau 30%. Dùl bơta geh ngan tai là Việt Nam gam geh ală bơta ờ niam bè phan bơna gùng lòt lơh bơta pràn tàm pơr lòng ờ uă.

Thủ tướng sồr broă sơn rờp là pal lơh niam broă rơndap ù tiah tam phan mờ rơndap ù tiah bơt bơtàu phan bơna gơ jat bal mờ drà kă bro nàng tơmù ală bơnah priă jền bơcri. Bơdĩh hơ\ tai, kờ` pal lơh gơs jơh kơrnuat, chính sách bơcri priă, chul chồl bơtàu tơnguh lơh broă bal jat ròt bơta kuơ lơh gơlik nàng tơmù dimơ ală bơta lơh kòn gùng.