VOV4.K’ho -  Ngai òr (17/8), tàm Hà Nội, Ủy ban văn hóa, giáo dục ơruh pơnu, kơnòm pa tào mờ kơnòm dềt bơh Quốc hội neh bal mờ Đại dà lơgar [òn dờng Hồ Chí Minh bơyai lơh pơrjum cri bơyai mờ sơnđan ‘’Bơto bơsram đại học-Khà di pal mờ gơrờm dunia’’.

Đơs mut cri bơyai, ồng Đỗ Bá Tỵ, Phó chủ tịch Quốc hội đơs tờm: Tàm rlau 30 nam tam gơl pa, bơto bơsam đại học Việt Nam neh geh ala\ cồng nha kuơ màng, pơgồp bal dờng màng mut lơh geh cồng nha rài tam gơl pa, ai dà lơgar brồ guh mut tàm rài lơh pràn bơt bơtàu pa ma\y mok lơh broa\ sa, bơt bơtàu pa dà lơgar, rhời gơrờm bal niam.

Tàm dơ\ cri tơr`a, ala\ kuang bàng đơs la, nàng bơtàu tơngguh bơto bơsram đại học lơgar he kơljap, tàm tơngai tus, gah bơto bơtê mờ bơsram đại học pơnjat tai geh tam gơl pa atbồ dà lơgar bè bơto bơsram đại học, lơh pràn lơh tờm is đại học, kờ` tơngguh bơta pràn ròt bơto bơsram Việt Nam dê, chul chồl bơta tus bal bơh mpồl lơh sa ka\ bro tàm bơto bơsram đại học.

Cau mblàng K’ Brọp