VOV4.K’ho - Tàm hìu lơh broă Bộ Ngoại giao lơgar Nga neh bơyai lơh cri bơyai broă lơh kuơ màng bơh lơgar Việt Nam mờ lơgar Nga dơ\ 10.

Thứ trưởng Thường trực Bộ Ngoại giao lơgar Việt Nam ồng Bùi Thanh Sơn mờ ồng Igor Morgulov, Thứ trưởng Bộ Ngoại giao lơgar Nga neh lam bồ 2 mpồl kuang bàng bơh 2 lơgar tus pơrjum bal.

Bàr gah đơs tòm tus mờ broă lơh ngan chồl pràn broă lơh bal bơh 2 lơgar pràn kơl dang tàm ală gah chính trị, lơh sa, kă bro… tàm hơ\ uă ngan là lơh geh cồng nha Hiệp định kă bro khăt gơboh bơh lơgar Việt Nam mờ mpồl tam klăc lơh sa châu Á mờ châu Âu, lơh ngan tơnguh khà kă bro bal bơh 2 lơgar tus 1 tơmàn đôlar Mỹ tàm nam 2020…

Bàr gah ring bal gơnbuh broă lơh bal mờ pơgồp bal rơcang niam ală dơ\ tus còp mờ tam gơl kuang bàng dờng màng bơh 2 lơgar tàm tơngai tus, bơyai lơh niam pơrjum dơ\ 21 Uỷ ban Chính phủ lơgar Việt Nam mờ Chính phủ lơgar Nga bè broă lơh sa bal, kă bro mờ khoa học – kỹ thuật…

Cau mblàng Ndong Brawl