VOV4.K’ho - Drim òr (22/04), UBND càr Thái Nguyên bơyai lơh pơrjum cri bơyai tơnguh bơtàu bal nhơl chờ 6 càr tiah Việt Bắc, tàm hơ̆ geh: càr Hà Giang, Tuyên Quang, bắc Kạn, Cao Bằng, Thái Nguyên, Lạng Sơn.

                                           Yal phan mờ bơta geh nhơl chờ bơh ală càr dê

Bơh rơlao 10 nam pơgồp bal nhơl chờ bơh 6 càr Việt Bắc tàm bơta “lơh is-ring bal-geh cồng nha-geh kuơ bal” neh geh ală cồng nha loh làng; ală dơ̆ nhơl chờ geh pơgồp bal, khà cau năc nhơl chờ gơguh sùm bơh ală nam mờ khà gơguh rơlao 16%.

Dơ̆ cri bơyai dờp geh uă jơnau đơs bơh kuang bàng đơng lam, cau atbồ, mpồl lơh sa kă bro nhơl chờ nàng chồl pràn broă tơnguh bơtàu broă pơgồp bal nhơl chờ tiah do dê, ai geh phan nhơl chờ ngai sơlơ niam, di pal mờ jơnau kờñ bơh cau năc dê. Mpồl tam klăc nhơl chờ ală càr Việt Bắc neh kĭ hơ bal sră nggal ring bal lơh broă tơnguh bơtàu nhơl chờ mờ Mpồl tam klăc nhơl chờ mpồl bơtiàn. Ală mpồl lơh sa kă bro 6 càr Việt Bắc kĭ hơ bal lơh broă bal mờ ală mpồl lơh sa kă bro nhơl chờ Hà Nội, ƀòn dờng Hồ Chí Minh.

Cau mblàng Ndong Brawl