VOV4.K’ho – Drim òr (21/4), tàm Hà Nội, Bộ Nông nghiệp mờ Phát triển Nông thôn pơgồp bal mờ Bộ Giáo dục mờ Đào tạo bơyai lơh Cribơyai khoa học “Tam klac bal hìu bơsram Đại học mờ mpồl lơh sa kă bro nàng bơtàu tơnguh mpồl cau lơh broă gah lơh sa suơn sre geh bồ tơngoh chài git wă uă”.

 Đơs tàm dơ\ cribơyai, Bộ trưởng Bộ Nông nghiệp mờ Phát triển Nông thôn, ồng Nguyễn Xuân Cường đơs tờm, lơh sa suơn sre sùm là broă lơh tam gơl pa mơlà bơnàng jă, kung là gah lơh sa tă pơgồp kuơ màng ngan tàm bơta bơtàu tơnguh lơh sa - mpồl bơtiàn bơh dà lơgar dê.

 Bè bơto bơtê cau lơh broă  geh tơl jơnau git wă mờ bơta chài lơh jat jơnau kờ` mờ jơnau sồr bơh rài lơh sa suơn sre ngui công nghệ cao, rài lơh sa suơn sre jak chài geh gơnoar broă kuơ màng ngan.

 Học viện nông nghiệp Việt Nam mờ ală hìu bơsram Đại học geh bơto bơtê mpồl cau lơh broă gah lơh sa suơn sre, brê bơnơm, phan tàm dà kờ` pal bơt bơtàu broă rơndap lơh bơto bơtê nền nòn rlau mờ rơndap sap sèng wơl gah lơh sa suơn sre mờ bơtàu tơnguh [òn lơgar pa.