VOV4.K’ho - Tàm Hà Nội, mò Bùi Thị Minh Hoài, Bí thư Đảng dà lơgaar, Kuang atbồ ban Dân vận Đảng Cộng sản Việt Nam neh cri bơyai pờ tơlik tàm internet mờ ồng Sinlavong Khutphaythoun, Chủ tịch Ủy ban Mặt trận dà lơgar Lào bơ̆t bơtàu dà lơgar nàng cri bơyai bè broă lam sồr làng bol; broă lơh git gơ̆p đah Ban Dân vận Đảng Cộng sản Việt Nam mờ Ủy ban Mặt trận Dà lơgar Lào bơ̆t bơtàu dà lơgar tàm tơngai tus mờ ring bal gùng dà broă lơh tàm tơngai tus.

Bàr gah neh ring bal tơnguh broă chồl pràn broă tam gơl mpồl tŭ kòp Covid-19 geh sền gròi; pơn jăt tai broă pơgồp bal lam sồr, lam sồr ală làng bol, tàm hơ̆ uă ngan là rơnàng kơnòm să đah bàr lơgar prăp gàr mờ bơ̆t bơtàu broă lơh git gơ̆p, tam klăc bal kuơ màng mờ lơh broă bal tơl ală bơta đah lơgar Việt Nam mờ lơgar Lào; lơh ngan tam dră wơl mờ jơnau dră wơl bơh ală mpồl dră wơl mờ càr Đảng, bàr Dà lơgar mờ tam cah is broă lơh git gơ̆p đah lơgar Việt Nam mờ lơgar Lào.

Cau mblàng Ndong Brawl