VOV4.K’ho - Bộ trưởng Ngoại giao ồng Bùi Thanh Sơn neh geh dơ̆ cri bơyai tàm điện thoại mờ Ngoại trưởng lơgar Canada ồng Marc Garneau. Bộ trưởng Ngoại giao ồng Bùi Thanh Sơn đơs tờm lơgar Việt Nam đơs niam lơgar Canada rơcang lài tơnguh broă lơh gĭt gơ̆p mờ mpồl ASEAN bal mờ lơgar Việt Nam; chờ gờm ală cồng nha mờ lơgar Canada tàm broă sền gròi kòp Covid-19 gơtờp; ưn ngài ală broă dong kờl mùl màl bơh lơgar Canada ai lơgar Việt Nam in tàm broă tơmù hoàc huơr bơh trồ tiah lơh aniai tàm tiah tàm gùl lơgar Việt Nam mờ sơndră mờ kòp Covid-19, tàm hơ̆ uă ngan là tàm broă geh tìp mờ sơnơm vaccine.

Bè đah să tờm, Ngoại trưởng lơgar Canada ồng Marc Garneau đơs wơl jơnau hơ dong kờl lơgar Việt Nam mờ ală lơgar tàm tiah do geh tìp mờ sơnơm vaccine tam dră mờ kòp Covid-19. Wèt tus tơnkah 50 nam crơng gơs broă lơh bal (1973-2023), bàr Bộ trưởng ring bal pal geh ală broă lơh mùl màl nàng chồl pràn broă kă bro bàr đah tus 8 tơmàn dolar Mỹ tàm 2 nam tus, lam sồr mpồl lơh sa kă bro bàr lơgar ngui bơta niam bơh Hiệp định CPTPP, tơnguh broă lơh bal tàm broă bơto bơtê, pờ ơnàng broă lơh bal tàm ală gah broă priă jền, lơh sa số, tam gơl pa broă bơceh lơh...

Cau mblàng Ndong Brawl