VOV4.K’ho – Tàm Hà Nội, Ủy ban Niam chài, Bơto bơtê, Ơruh pơnu kơnòm pa tàu mờ kơnòm dềt bơh Quốc hội dê bơyai lơh Cribơyai bơto bơtê nam 2017 bè cồng nha bơto bơtê kấp ba. Ală kuang bàng neh song dơ pă đơs loh ală bơta ờ niam bơh bơto bơtê kấp ba dê tu\ do. Hơ\ là broă bơsram uă ir bè jơnau bơsram, ờ huan pơlam lơh ngan ngồn, ờ go\ ngui geh pràn jak bơceh pa mờ bơsram is bơh kơnòm bơsram dê; pơlam broă lơh tam pà tơnơ\ tu\ jơh bơsram kấp hai mờ kấp ba gam ờ pràn jak.

Pràn jak dà lơgar ndai bơh kơnòm bơsram dê ờ uă. Bơto bơtê nùs nhơm, bơta chài ơm kis ai kơnòm bơsram in ờ hềt lơh geh jơnau kờ` neh ai. Digơlan aniai là nùs nhơm bồ tơngoh, rài kis bơh kơnòm bơsram kấp ba dê tàm ală nam rềp ndo geh tơngo\ ờ niam. Tam lơh tàm hìu bơsram gơguh uă. Jat ală kuang bàng, ală bơta ờ suk, ờ pràn jak do geh pe jơnau tờm là bơh mpồl cau pơgru, jơnau bơto bơtê, sră măy mờ broă lơh atbồ bơto bơtê.

Cau cih mờ yal tơngi\t-Lơ Mu K’ Yến