VOV4.K’ho- Bơtàu tơnguh lơh kơphê jat ală anih lơh gơlik phan, tơnguh tai bơta kuơ ai ală gah in là dùl tàm ală tơngume gơhòi gơ jà geh uă cau sền gròi tàm Cribơyai bơtàu tơnguh kơ\ kơl jăp gah kơphê Việt Nam geh bơyai lơh tàm càr Dak Nông.

Ală kuang bàng lòt còp sền ngan ngồn tàm sươn kơphê tàm Nhân Cơ, Dak Nông

Cribơyai mờ bơta tus bal bơh rlau 200 nă kuang bàng là cau mờng chài dunia, ală bộ, gah sơnah lơh broă dà lơgar, càr, [òn dờng, mpồl lơh sa kă bro, cau lơh broă sa Tây Nguyên. Việt Nam tu\ do geh rlau 645 rbô lồ kơphê, tơrgùm uă ngan mìng là tàm Tây Nguyên; Cồng nha lơh geh kờp bal geh 2 tấn kơphê gar tàm dùl lồ, gơ wèt mpồl lơgar geh cồng nha lơh geh kơphê uă tàm dunia.

Nam 2017, priă geh bơh tăc bơta phan kơphê Việt Nam dê là rlau 3 tơmàn 200 tơlak dolar Mỹ. Mơya, lơh kơphê tu\ do kung gam geh lơh dềt, rah rài, kă bro phan ờ hềt geh lơh niam, khà lơh gơlik phan niam gam dùl êt, lơh sa jat ală anih lơh gơlik phan gam uă kal ke.

Cribơyai là tu\ nàng ală kuang bàng tàm yal tơngi\t bal bơta mờng chài, jòi gùng dà broă lơh bơtàu tơnguh geh cồng nha bơh broă tam tus tơnhàu, prăp gàr, lơh gơlik phan, kă bro, tơnguh priă lơh geh ai gah phan kơphê in.

Cau mblàng Lơ Mu K’Yến