VOV4.K’ho – Ngai òr (18/4), tàm [òn dờng Buôn Ma Thuột, càr Dak Lak, Bộ Y tế bơyai lơh Pơrjum cribơyai broă lơh mờ bơcri priă kơ\ kơljap nàng tơn jơh kòp sốt rét tàm ală càr tiah nhàr dà lơgar. Jat jơnau yal tàm pơrjum, nam lài, gùt lơgar geh rlau 4 rbô 800 nă cau bơ tờp ký sinh trùng sốt rét, tàm hơ\ geh 12 nă cau gơbàn kòp sốt rét jroă mờ 1 nă cau chơt.

 Bơta pal đơs là ký sinh trùng sốt rét tơr gùm uă ngan tàm 3 càr là Bình Phước, Gia Lai mờ Dak Lak. Nàng lơh jat ală jơnau kờ` kuơ màng bè tơn jơh kơ\ kơljap kòp sốt rét tàm lơgar Việt Nam, pơrjum neh tơr gùm cribơyai ờ uă broă lơh bè: gàr niam broă lam lơh sùm broă sền gròi, git go\, kham git go\ gờ` mờ sơm kòp di tu\, atbồ cau kòp, atbồ cau ntrờn tiah ơm kis, ngan là gơ wèt tus mờ làng bol sùm lòt tàm brê, bic tàm mìr, cau rê bơh ală lơgar geh kòp sốt rét lơh aniai; sơm kòp sốt rét di sơnơm, di khà jat jơnau pơlam bơh Bộ Y tế dê; lơh jat ală broă lơh rơcang sơndră sơmac sốt rét jat di mờ jơnau pơlam; pơgồp bal uă gah broă lơh tàm broă rơcang sơndră kòp sốt rét.