VOV4.K’ho – Ngai òr 6/11, kung tàm Poh bơyai lơh Pơrjum kuang bàng dờng màng APEC nam 2017 tàm Đà Nẵng neh geh lơh Cribơyai Jơnau đơs rài tơnơ\ do APEC 2017. Cribơyai do neh gơhòi gơ jà geh rlau 120 nă kuang bàng ala mat ai ală ơruh pơnu bơh 21 lơgar tàm mpồl APEC dê.

Cribơyai geh dơ\ pơrjum bal, bal mờ tơngume “Lơh bè lơi nàng lơh geh pràn chồl pa, bal mờ gơ\p bơ\t bơtàu bal rài tơnơ\ do đah ơruh pơnu tàm tiah châu Á- Thái Bình Dương” mờ ală dơ\ tìp mat cribơyai bal mờ tơngume “Sơlơ gơguh tai kơ\ kơl jăp, bơceh pa mờ gơrờm bal đah ơruh pơnu tiah châu Á- Thái Bình Dương” mờ “Mpồl lơh sa kă bro, bơceh pa mờ kơ\ kơl jăp- Ală kal ke bơh sơnđờm mu\t lơh broă dê mờ tu\ tơngai ngui măy mok sồ bơh tiah châu Á- Thái Bình Dương dê”.

Nàng drơng ai tơngume bal bơh cribơyai do dê, kuang bàng tus bal 4 mpồl cribơyai bè tă pơgồp bơh ơruh pơnu dê gơ wèt mờ broă rơndăp lơh APEC wèt tus nam 2020 mờ rài tơnơ\ do; mu\t gơrờm bal bè lơh sa, priă jền mờ mpồl bơtiàn; bơtàu tơnguh mpồl cau lơh broă tu\ tơngai ngui măy mok sồ; broă dong kờl sơnđờm mu\t lơh broă, tam gơl pa mờ mpồl lơh sa kă bro dềt mờ di mơ.

Cau cih mờ yal tơngi\t-Lơ Mu K’ Yến