VOV4.K’ho- Tơngkah kir sơnrai 60 nam lơh gùng Hồ Chí Minh (19/5/1959-19/5/2019), drim do 14/5 tàm thị xã Gia Nghĩa, càr Dăk Nông geh lơh cribơyai jak chài kấp Dà lơgar: “Gùng Trường Sơn- Gùng Hồ Chí Minh: bơta pơrja bơh nùs nhơm tơrgùm dùl Dà lơgar”.

Nam 1960, Gia Nghĩa là tiah 2 gơl gùng sòl gùng Trường Sơn- Gùng Hồ Chí Minh, Đah tô- Đah jum tìp mat bal, sơnđờm lơh gơl gùng pơndiang phan kuơmàng Trường Sơn- gùng Hồ Chí Minh gơl bơh đah jum Tây Nguyên tus đah mat tơngai lik đah jum tiah ring dà lơgar dê.

Tus bal cribơyai kấp Dà lơgar do geh 350 nă kuang bàng ala mat là ală kuang ling, ală cau să tờm tơn neh tus lơh gùng tàm rài tam lơh, ală cau tus bal lơh niam wơl Gùng Hồ Chí Minh tàm tơngai tu\ do, ală cau jak chài, ala mat ală Bộ gah lơh broă dà lơgar, kuang đơng lam bồ ală tiah, ală càr tàm tiah do.

 Cau mblàng Lơ Mu K’Yến