VOV4.K’ho-Ngai òr 4/12, tàm Hà Nội, Cribơyai dunia bè “Lơh pràn lơh broă bal lơngăp lơngai dà lềng tàm dà lềng đah mat tơngai lik” geh Học viện Ngoại giao Việt Nam,  Đại sứ quán Anh, Đại sứ quán Australia pơgồp bal bơyai lơh.

Cribơyai geh bơta tus bal bơh rlau 100 nă kuang bàng ala mat mờr 30 mpồl kuang bàng ala mat lơh broă mờ lơgar ndai tàm lơgar Việt Nam mờ ală cau mờng chài gah broă lơh lơngăp lơngai mờ adat boh lam dunia tàm dà lềng.

Cribơyai tơrgùm tàm pe dơ\ bal mờ ală tơngume, là: Mờng chài tàm tiah do mờ dunia bè tàm wah đal gi\t dà lềng mờ bơsong tam pìt tam phà tàm dà lềng; ală broă kơrnoat boh lam tàm broă lơh mờ lơh broă bal đah ală mpồl lơh jat kơnòl broă dà lơgar dê tàm dà lềng; mờ lơh pràn lơh broă bal đah ală mpồl lơh jat kơnòl broă dà lơgar tàm dà lềng đah mat tơngai lik.

Bơta tờm bơh dơ\ cribơyai do dê geh là bè lơngăp lơngai gùng dà lềng mờ lơh ngan dong kờl ală anih lơh broă dunia jat tàm kơrnoat boh lam.

 Cau mblàng Lơ Mu K’Yến