VOV4.K’ho- Tàm Hà Nội neh bơyai lơh Cribơyai pờ ơnàng bơh Pơrjum Cribơyai lơh sa dunia ASEAN nam 2018 bè sơnđờm mu\t lơh broă bơceh pa. Mờ tơngume “ASEAN 4.0 tài bơh làng bol”, Cribơyai là jơh ală tu\ tơngai niam nàng ală cau tus bal, kuơmàng là rơnàng ơruh pơnu cribơyai bè rài tơnơ\ do bơh khi dê tàm tu\ tơngai công nghệ gam ngai sơlơ bơtàu tơnguh pràn tàm tiah ASEAN, dong ală mpồl lơh sa kă bro sơnđờm mu\t lơh broă ngui tu\ tơngai niam kăc màng công nghiệp 4.0.

Chủ tịch đơng lam Cribơyai lơh sa dunia là ồng Klaus Schwab hòi jà cau kơnòm să pal gi\t jat tu\ tơngai niam, rơcang lài nàng geh ală bơta chài pal geh mờ dipal mờ bơta pal geh bơh tu\ tơngai pa dê. Ờ mìng tàm dơ\ pơrjum do lơm gời, broă sơnđờm mu\t lơh broă tàm tu\ tơngai kăc màng công nghiệp 4.0 là dùl tơngume geh sền gròi ngan tàm dơ\ bơyai lơh Pơrjum cribơyai lơih sa dunia bè ASEAN nam 2018 tàm ală ngai tus.

Bal mờ broă sơnđờm mu\t lơh broă bơceh pa, mờ 60 dơ\ cribơyai, tàm 3 ngai geh lơh pơrjum kung tơrgùm tàm ală tơngume ndai bè phan bơna tiah drà ngac ngar, cau lơh broă broă lơh tàm kăc màng công nghiệp 4.0, bơtàu tơnguh mpồl cau lơh broă.

Cau mblàng Lơ Mu K’Yến