VOV4.K’ho- Ủy ƀan Niam chài mờ Bơto bơtê Quôk hội dê pa pơgồp bal mờ Ƀộ Văn hoá Thể thao mờ Du lịc bal mờ càr Nghệ An bơyai lơh Cribơyai “Nhơl chờ Việt Nam- bơtàu tơnguh wơl mờ bơtàu tơnguh”. Đơs sồr tàm dơ̆ cribơyai, Phó Củ tịch duh broă sùm Quôk hội ồng Trần Thanh Mẫn đơs nền, bơtàu tơnguh gah Nhơl chờ là dùl gùng dà broă lơh dờng bơh Đảng mờ Dà lơgar he dê. Kòp dờng Kovid-19 jŏ jòng 02 nam do neh lơh gơrềng uă ngan tus bơta bơtàu tơnguh lơh sa- mpồl bơtiàn bơh dà lơgar dê, tàm hơ̆ geh gah nhơl chờ.

Tài gơrềng bơh kòp bơtờp dê, tus tŭ do, lơgar he ờ hềt wă rò năc dunia lòt nhơl, năc nhơl chờ tàm lơgar pơn jăt tai gơmù sùm rlau 42% pơndrờm bal dùl tŭ mờ nam lài; kờp jơh priă lơh geh bơh năc lòt nhơl kờp dŭ gơmù mờr 50%. Cribơyai pơn jăt tai lơh loh rlau bơta gơrềng bơh Broă lơh bơtàu tơnguh wơl lơh sa- mpồl bơtiàn bal bơh gùt lơgar dê mờ ală broă lơh, broă rơndăp lơh, pơlam gùng dà bơtàu tơnguh wơl, bơtàu tơnguh nhơl chờ; dan geh ală broă lơh, bơta dong kờl, ngan là ală broă dong kờl bè hơ pơrgon rơcăng sơndră kòp nàng pờ mpồng ờdo ờdă; ală broă dong kờl tơnguh uă pràn jak tàm pơrlòng bơh nhơl chờ Việt Nam dê tàm tŭ tơngai pa.

Cau mblàng Lơ Mu K’Yến