VOV4.K’ho- Drim ngai òr 27/12, tàm Hà Nội, Bộ Nội vụ bơyai lơh Cribơyai tă pơgồp jơnau đơs tàm rơndăp cih bơh sơnrờp Jơnau yal dà lơgar bè ơruh pơnu Việt Nam.

Bơh cribơyai, ală kuang bàng đơs Jơnau yal dà lơgar bè ơruh pơnu Việt Nam geh kơlôi sơnơng roh uă ngan tu\ jiơ dà kơlhề mờ jơh nùs ngan. Ai tơlik pang rùp jơh ală bơta bè bơta geh ngan bơtàu tơnguh bơh ơruh pơnu Việt Nam dê tơngai bơh nam 2012-2018 bal mờ ală bơta pràn, bơta ờ pràn mờ ală gùng dà bơtàu tơnguh bơh ơruh pơnu dê.

Ală kuang bàng đơs là, jơnau yal dà lơgar bè ơruh pơnu pal ring bal bè jơnau đơs sơnam ơruh pơnu tàm bơnah broă kờ` mờ jơh ală jơnau yal; bơtơl mblàng sền bơta gơrềng bơh mpồl cau ơruh pơnu krơi is bè ơruh pơnu kue\t kơlte halà ơruh pơnu kòn cau. Sồr pal lơh jat di ală gùng dà broă lơh bè ơruh pơnu mờ broă lơh jat gùng dà broă lơh nàng ai tơlik ală jơnau dan mờ Đảng mờ Dà lơgar tàm tơngai tus.

Cau mblàng Lơ Mu K’Yến