VOV4.K’ho- Tàm 2 ngai, ngai 18 mờ 19/12, tàm [òn dờng Buôn Ma Thuột, càr Dak Lak dê, Tơrgùm ală mpồl jak chài măy mok càr Dak Lak dê pơgồp bal mờ Tiah tờm Kơlôi sơnơng lơh broă brê bơnơm nhiệt đới bơyai lơh cribơyai “Tàp lơh broă sa sươn sre brê bơnơm pơgồp bal tàm tu\ tơngai tam gơl trồ tiah tàm Tây Nguyên”.

Cribơyai neh ai tơlik uă broă kờ` pal bơsong bơh bơta geh ngan tus gùng dà broă lơh dong kờl. Tàm dơ\ cribơyai, uă ngan kuang bàng đơs là, nàng tàp lơh broă sa sươn sre brê bơnơm pơgồp bal geh cồng nha kuơmàng ngan rlau jơh kung gam sơl là gơnoar broă bơh ală anih lơh broă atbồ dê tàm rơndăp gùng dà broă lơh.

Tu\ do, broă dong kờl ai bơtàu tơnguh lơh broă sa sươn sre [òn lơgar in uă ngan, mơya broă dong kờl is ai lơh broă sa sươn sre brê bơnơm pơgồp bal in den ờ hềt geh.

Drơng broă jak chài măy mok tàm dong kờl lơh broă brê bơnơm kung gam ờ hềt pràn sơl, jơnau sồr anih lơh sa sươn dờng lơh broă brê bơnơm pal geh bă ù bơh 31 lồ rlau hơđang gam lơh gơlik uă kal ke tu\ mờ uă ngan cau lơh broă sa tu\ do gam lơh sa dềt, rah rài.

Den tàng bè hơ\, kờ` lơh pràn lơh broă sa sươn sre brê bơnơm pơgồp bal, Dà lơgar pal gờ` geh ală bơta tam gơl gơ in dipal.

Cau mblàng Lơ Mu K’Yến