VOV4.K’ho- Học viện Ngoại giao pơgồp bal mờ Đại sứ quán Thái Lan tàm Hà Nội mờ Đại sứ quán Việt Nam tàm Bangkok dơ̆ lĕ bal bơyai lơh cribơyai tơngkah 45 nam ngai crơng gơs git gơp lơh broă bal Việt Nam- Thái Lan (06/8/1976- 06/8/2021). Cribơyai geh lơh jat broă lơh pờ tơn tàm internet mờ sơñio rùp tơn tàm mạng xã hội Facebook nàng yal tơnggit bè git gơp đah Việt Nam mờ Thái Lan tus gal ngan cau sền in.

Đơs mut lơh dơ̆ cribơyai, Đại sứ Việt Nam tàm Thái Lan ồng Phan Chí Thành đơs nền tềl tơngkah 45 nam là tơngai kuơmàng nàng 2 lơgar in sền wơl ală cồng nha neh lơh geh mờ wèt tus tơngai tơnơ̆ do. Mờ nùs nhơm cribơyai song dơpă mờ sơrmah sơrmài, cribơyai ờ mìng là pơrjum nàng tam pà ală nùs nhơm git gơp lơh bơyô niam bơnĕ đah 2 lơgar tàm 45 nam do mờ gam đơs nền bơta lơh ngan lơh niam rlau tai git gơp lơh broă bal jŏ jòng bơtàu tơnguh Việt Nam- Thái Lan. Ală jơnau sồr, jơnau dan bè broă lơh geh đơs tàm dơ̆ cribơyai neh ai tơlik uă jơnau bơceh pa ai ală broă lơh lơh broă bal ngan ngồn đah 2 lơgar tàm tơnơ̆ do.

Cau mblàng K’Duẩn