VOV4.K’ho- Tàm Dơ\ bơyai lơh chờ kơphê Buôn Ma Thuột, dơ\ 7 nam 2019, mho òr 10/3, UBND càr Dăk Lăk pơgồp bal mờ Bộ Nông nghịêp mờ Phát triển Nông thôn, Mpồl lơh Kơphê Ka kau Việt Nam bơyai lơh Cribơyai bơtàu tơnguh kơphê bơkah pơnrơ Việt Nam.

Jat ồng Lê Quốc Doanh, Thứ trưởng Bộ Nông nghiệp mờ Phát triển Nông thôn đơs, kơphê là dùl tàm ală phan bơna tờm kuơmàng ngan bơh dà lơgar dê, Chính phủ mờ ală tiah neh geh uă broă dong kờl ai gah phan kơphê in bơtàu tơnguh.

Tàm tơngai tus, ală tiah pơn jat tai lơh pràn ngui bơta jak chài măy mok, kuơmàng là pal geh ală bơta chài dùl ròt bal; krà` cê jơh nùs broă atbồ broă tam bơrlu\ bal tàm sươn kơphê; lơh pràn broă lơh sră cơng tàng; sền dờng màng lơh gơlik phan niam nàng ngui niam geh tu\ tơngai niam tàm tu\ mu\t gơrờm bal lơh sa mờ dunia…Bè bơtàu tơnguh kơphê bơkah pơnrơ, ală tiah pal sền gròi tus kơnhoàl ù tiah [òn lơgar, sơntìl, ală broă tam…

Cục lơh gơlik phan kă bro gơ wèt Bộ Nông nghiệp mờ Phát triển Nông thôn pal lùp ală cau mờng chài lơgar ndai nàng mhar lam lơh dùl broă lơh bơtàu tơnguh kơphê bơkah pơnrơ Việt Nam.

Cau mblàng Lơ Mu K’Yến