VOV4.K’ho- Bộ trưởng Bộ Lao động, Thương binh mờ Xã hội ồng Đào Ngọc Dung kĭ Kơrnoăt bè broă crơng gơs 12 mpồl lòt sền broă lơh jăt broă dong kờl cau lơh broă mờ cau ngui cau lơh broă tìp kal ke tài bơh kòp dờng Covid-19.

Ală mpồl lòt sền geh kơnòl sền broă lơh, cồng nha mờ sồr ngan broă lơh jăt ală Kơrnoăt bơh Chính phủ dê mờ Kơrnoăt bơh Thủ tướng Chính phủ dê bè lơh jăt broă lơh sền gàr ờdo ờdă rài kis mpồl bơtiàn mờ dong kờl cau lơh broă, cau ngui cau lơh broă tìp kal ke tài bơh kòp dờng Covid-19; Jòi gĭt bơta geh ngan ờ tơl cau lơh broă tàm ală gah broă lơh, tàm ală mpồl lơh sa kă bro, tiah lơh sa mờ măy mok, tiah lơh gơlik phan tăc mờ lơgar ndai; dan geh ală broă lơh bơsong mờ bơtàu tơnguh wơl, rề ơnàng drà cau lơh broă mờ ală jơnau dan. Tơngai tus, ală mpồl geh lòt sền bơh ngai 21/10 tus jơh ngai 03/11 tus.

Cau mblàng Lơ Mu K’Yến