VOV4.K’ho - Củ tịc lơgar ồng Nguyễn Xuân Phúc neh cri bơyai mờ Củ tịc Quôk hội mờ Thủ tướng Cíñ phủ bè broă tơnguh bơtàu kông nghệ kao, tàm hơ̆ geh ală bơta năng lượng kloh, pil mờ neh ring bal ai Quốc hội dơ̆ do ờ uă broă lơh dà lơgar nàng dong kờl ai kông nghệ kao in.

Do là jơnau yal geh Củ tịc lơgar ai tơlik tàm mho ngai 12 nhai 12 tàm dơ̆ sơn đờm mŭt lơh Hìu măi lơh Pil ôtô VinES tàm tiah lơh sa geh tàm tiah lơh sa Vũng Áng (càr Hà Tĩñ). Đơs tàm dơ̆ pơrjum, Củ tịc lơgar ồng Nguyễn Xuân Phúc đơs là, cồng nha bơh Vingroup tàm broă wèt rơhời tus tập đoàn kông nghiệp, kông nghệ geh ờ mìng ai geh bơta niam ală tập đoàn lơh sa ndai lơgar Việt Nam in mờ gam geh gơnoar kuơ màng tàm broă lơh geh dùl hệ sinh thái “Make-in-Vietnam” bè lơh sa, lơh wơl, mờ ngui wơl pil năng lượng geh lơh wơl. Củ tịc lơgar ồng Nguyễn Xuân Phúc đơs loh, bơta tơlòng tơnguh bơtàu gơwèt mờ lơgar Việt Nam tŭ do pal geh ai kòn bơnus, bơta ngăc ngar, mờ khoa học-kông nghệ tàm bơta tờm bơh broă gơguh lơh sa kơl jăp tàm jŏ tơngai. Do là bơta tờm nàng lơgar he lik klàs mờ bơta kal ke geh priă bè ờs, ai geh gơguh lơh sa tus mờ bơta pas gơs dà lơgar dê.

Cau mblàng Ndong Brawl