VOV4.K’ho- Mho ngai 06/01, tàm Hìu duh broă Củ tịc dê, Củ tịc lơgar ồng Nguyễn Xuân Phúc jàu Kơrnoăt tơnguh grăt bơh Trung tướng tus Thượng tướng gơwèt mờ ală kwang bàng Thứ trưởng Ƀộ Kwang àng ồng Trần Quốc Tỏ mờ Lương Tam Quang.

Đơs tàm dơ̆ bơyai lơh jàu Kơrnoăt, ala măt kwang bàng đơng lam bồ Đảng, Dà lơgar, gờm chờ bàr nă kwang bàng Thứ trưởng Ƀộ Kwang àng geh tơnguh grăt bơh Trung tướng gơguh tus Thượng tướng, Củ tịc lơgar ồng Nguyễn Xuân Phúc đơs, ồng Trần Quốc Tỏ mờ ồng Lương Tam Quang là ală kwang bàng geh nùs nhơm, jơnau kơlôi sơnơng, bồ tơngoh kơ̆ dơn, kơ̆ kơl jăp, nùs nhơm rài kis niam; geh bơto bơtê niam ngan, cíñ quy, bơta gĭt wă mờ broă lơh jak ngan; geh bơsram tàp, lòng mờ dờng kràñ bơh bơta geh ngan lơh broă, tam lơh; geh uă mờng chài tàm broă đơng lam, sồr lơh, ătbồ ală anih lơh broă, ală tiah. Củ tịc lơgar ồng Nguyễn Xuân Phúc pin dờn mờ kơ̆p kờñ ală kwang bàng pơn jăt tai bal mờ mpồl Đảng ủy Kwang àng Dà lơgar, đơng lam Ƀộ Kwang àng sền gàr nùs nhơm bồ tơngoh kăc màng sàng goh, pơn jăt tai gàr kơ̆ mờ lơh jăt niam nùs nhơm mờ rùp să cau ling kwang àng làng bol “tài dà lơgar hŭi să tờm, tài làng bol drơng broă” tàm tŭ tơngai pa.

Cau mblàng Lơ Mu K’Yến