VOV4.K’ho - Củ tịc lơgar ồng Nguyễn Xuân Phúc neh cri bơyai mờ Thủ tướng lơgar Campuchia ồng Hun Sen. Tàm dơ̆ cri bơyai, bàr nă kuang đơng lam ring bal uă bè gùng dà broă lơh dờng, tơnguh broă lơh bal đah bàr lơgar tàm tơngai tus, jăt mờ hơ̆ geh tơrgùm lơh geh cồng nha ală hiệp định, jơnau ring bal neh kĭ; geh sùm ală dơ̆ tus còp, tìp bal, cri bơyai dờng mờ ală kấp, ală cơ cế lơh broă bal đah bàr lơgar.

          Củ tịc lơgar ồng Nguyễn Xuân Phúc cri bơyai mờ Thủ tướng lơgar Campuchia ồng Hun Sen

Bàr gah kung ring bal pơn jăt tai chồl pràn broă lơh bal tàm ală gah bơto bơtê, tư pháp, lơh sa suơn sre-brê bơnơm-phan tàm dà, phan geh is mờ tiah kis, nhơl chờ; chồl pràn broă cri bơyai wèt tus broă dờp bal mờ Sră kim ta vaccine, sră dờp cit sơnơm rơcang sơndră mờ kòp Kovid-19. Củ tịc lơgar ồng Nguyễn Xuân Phúc kơ̆p kờñ bàr gah pơn jăt tai pơgồp bal, tơnguh nùs nhơm lơh broă bal bơh mpồl ASEAN dê bè dà lềng đah măt tơngai lik, bơsong ală broă tam phà mờ broă ring lơngai, tàm tơngu me adăt boh lam dunia.

Cau mblàng Ndong Brawl