VOV4.K’ho - Mho òr (27/12), Mpồl kwang bàng ala măt Quốk hội ƀòn dờng Hồ Chí Minh lơh broă mờ UɃÑZ ƀòn dờng nàng sền gròi broă lơh jăt adăt boh lam bè broă rơndăp lơh tàm ù tiah ƀòn dờng Hồ Chí Minh.

Củ tịc lơgar ồng Nguyễn Xuân Phúc tus pơrjum tàm anih pờ Gơlang Củ tịch. Đơs tàm pơrjum, Củ tịc lơgar ồng Nguyễn Xuân Phúc đơs loh, gơwèt mờ dùl ƀòn drà dờng bè ƀòn dờng Hồ Chí Minh den broă ai rơndăp broă pal geh lơh lài, pal tơlik geh nùs nhơm kơlôi sơnơng jŏ jòng, lơh tơngu me ai broă lơh jăt rơndăp broă, hòi jà bơta pràn bơh dà lơgar bal mờ cau dùl nă să lơh is, ai geh ală jơnau kờñ, khà broă lơh mùl màl. Củ tịc lơgar kung song dơ pă đơs loh, ƀòn dờng Hồ Chí Minh gam gơmù wơl uă ngan pơn drờm mờ ală ƀòn drà dờng tàm tiah do bè broă tơnguh bơtàu lơh sa, bơta pràn tàm pơrlòng mờ bơta niam rài kis. Nùs nhơm lam lài mờ bơngă lam lài bơh ƀòn dờng gơwèt mờ gùt lơgar gam tàm bơta gơmù ờ pràn.

Củ tịc lơgar ồng Nguyễn Xuân Phúc sồr ƀòn dờng pal lơh jăt tàm ală jơnau kờñ, ală gùng dà ai lơh, ală bơta pràn nàng lơh gơs rơndăp broă ù tiah, mờ pal ngui rơndăp broă lơh do là phan nàng tơnguh bơtàu ƀòn dờng niam, geh tơngai, lơh kơl jăp mờ mùl màl.

Cau mblàng Ndong Brawl