VOV4.K’ho- Mho ngai 21/12, tàm dơ̆ lòt còp kấp dà lơgar tus lơgar Campuchia, Củ tịc  lơgar ồng Nguyễn Xuân Phúc neh geh dơ̆ tìp mat cribơyai broă mờ Củ tịc Thượng viện lơgar Campuchia ồng Say Chum. Tàm dơ̆ tìp mat cribơyai, 2 nă kuang đơng lam bồ chờ hờp sền gŏ, tàm tŭ tơngai kòp Kovid-19 gơlik geh kal ke, lơh broă bal đah 2 lơgar kung gam gàr geh khà bơtàu tơnguh niam tàm jơh ală gah mờ tàm jơh ală broă lơh.

Cribơyai bè broă rơndap lơh sơlơ tơnguh lơh broă bal tàm tơngai tus, 2 gah ring bal chul chồl ală anih lơh broă crơng gơs adat boh lam 2 lơgar pơn jat tai dong kờl mờ lơh gơlik tơngume adat boh lam ƀuơn rlau tai ai broă sơlơ tơnguh bơta tàm tơrbŏ bal lơh sa, kă bro, bơcri priă; chồl pràn tìp mat lơh kwèng làng bol, ngan là rơnàng kơnòm să mờ lơh broă bal đah ală tiah, ngan là ală càr rềp tiah nhàr bơh 2 lơgar dê; pơgồp bal lam lơh niam ală broă lơh gờm chờ Nam git gơp lơh bơyô Việt Nam- Campuchia, Campuchia- Việt Nam 2022 mờ tơngkah kir sơnrai 55 nam ngai crơng gơs git gơp lơh broă bal đah 2 lơgar (24/6/1967- 24/6/2022).

Cau mblàng K’Duẩn