VOV4.K’ho - Ngai òr (26/12), tàm Hà Nội neh bơyai lơh Pơrjum dờng cau ala măt cau chài cah rơña gùt lơgar dơ̆ 3. Tus mờ geh jơnau đơs tàm pơrjum, Củ tịc lơgar ồng Nguyễn Xuân Phúc neh pơn jờng, đơs niam mpồl cau cau chài cah rơña gùt lơgar neh lơh ngan lơh broă, ai jơh bơta pràn, bơta ngăc ngar, pơgồp bal tàm broă sền gàr bơta ring niam, ală gơnoar khăt gơboh, lơh tờm bơh làng bol, gơnoar, bơta kuơ di mờ adăt boh lam bơh să tờm, anih lơh broă, pơgồp bal tàm broă tơnguh bơtàu lơh sa mpồl bơtiàn dà lơgar, broă lơh niam tư pháp, bơ̆t bơtàu mờ lơh gơs Dà lơgar gơnoar adăt boh lam XHCN Việt Nam.

             Củ tịc ồng Nguyễn Xuân Phúc tìp măt mờ cau ala măt tus pơrjum dờng cau chài cah rơña

Củ tịc lơgar pà git, Đảng, Dà lơgar sùm sền gròi mờ drơng gàr bơ̆t bơtàu mpồl cau chài cah rơña, tơnguh bơtàu geh bal khà uă mờ tơnguh uă bơta niam lơh broă. Rơlao tŭ lơi jơh, cau chài cah rơña pal krơi is, song dơ pă, git jơnau yal tàm bơta mùl màl, lơh jăt sơnoa bơh lam, adăt boh lam, lơh jăt nùs nhơm niam lơh broă tàm broă lơh. Cau chài cah rơña geh kơnòl sền gàr niam gơnoar bơta kuơ di mờ adăt boh lam bơh làng bol, mpồl lơh broă, mờ sền gàr rài xã hội chủ nghĩa, sền gàr bơta kuơ di pal Dà lơgar dê.

Cau mblàng Ndong Brawl