VOV4.K’ho - Drim òr (20/12), tàm Hà Nội, Quân ủy Dà lơgar, Ƀộ Quốk phòng bơyai lơh Pơrjum Quân cíñ gùt ling klàng mờ broă pờ tơlik tàm internet nam 2021 tàm 141 anih pờ, sền wơl cồng nha đơng lam, lam sồr lơh jăt kơnòl ling klàng, sền gàr dà lơgar nam 2021 mờ lơh jăt kơnòl nam 2022.

                               Củ tịc lơgar ồng Nguyễn Xuân Phúc geh jơnau đơs tàm pơrjum

Đơs tàm pơrjum, ala măt kuang đơng lam Đảng, Dà lơgar, Quân ủy Dà lơgar, Củ tịc lơgar ồng Nguyễn Xuân Phúc neh pơyoa tus ală tướng ling, kuang bàng, cau ling gùt ling klàng, mpồl ling rơcang lài, mpồl ling gàr ƀòn gùt lơgar jơnau còp să đềt mềr mờ jơnau chờ gờm niam bơnĕ ngan di tơnkah 77 nam ngai crơng gơs Ling klàng làng bol Việt Nam. Bè kơnòl nam 2022, Củ tịc lơgar hòi jà, Quân ủy Dà lơgar, Bộ Quốk phòng pal kơlôi sơnơng, sền wơl di pal bơta, rơcang lài rơlao tai tàm broă yal lài, pơlam broă lơh jŏ jòng bè ling klàng, sền gàr dà lơgar mờ Đảng, Dà lơgar; bañ lời gơtìp ờ thàn, ni sơna. Pơgồp bal nền nòn broă sền gàr bơta lơngăp lơngai dà lơgar, broă lơh bal mờ lơgar ndai, tơnguh broă lơh bal mờ dunia bè broă sền gàr dà lơgar.

Cau mblàng Ndong Brawl