VOV4.K’ho- Tàm dơ̆ lòt còp kấp dà lơgar tus lơgar Campuchia, ngai 22/12, Củ tịc lơgar ồng Nguyễn Xuân Phúc neh tìp măt mpồl lơh sa kă bro Việt Nam mờ mpồl lơh sa kă bro Khmer cau Việt Nam tàm lơgar Campuchia. Tơnơ̆ tŭ iăt kơno jơnau đơs bơh ala măt ală mpồl lơh sa kă bro dê, Củ tịc lơgar chờ hờp jơnau bơcri priă Việt Nam dê ngai sơlơ niam rlau, mờ jơh nùs bơh ală mpồl lơh sa kă bro geh uă bơta mờng chài dê.

Anih bơyai lơh dơ̆ cribơyai

Củ tịc lơgar đơs nền, gơnoar broă bơh ală mpồl lơh sa kă bro dê là kwơmàng ngan mờ jờng rơ bơta lơh ngan pơđơl pràn bơh ală mpồl lơh sa kă bro lơgar Việt Nam dê tàm tơngai lài. Củ tịc lơgar kung đơs sùm geh sồr ală ƀộ, gah sơnah lơh broă sơlơ lơh broă bal mờ đah bơyô nàng dong kờl ală mpồl lơh sa kă bro lơgar Việt Nam tă bơsong kal ke. Jăt củ tịc lơgar đơs, ală mpồl lơh sa kă bro Việt Nam pal tă pơgồp gơnoar broă rơcăng lài, lam lơh lài, lơh gơlik bơta gơn kơnờm pa tàm kă bro bơcri priă, ai tơl bơta uă rlau bơta gĭt gơ̆p cồng nha đah 2 lơgar, ngan là lơh sa.

Cau mblàng Lơ Mu K’Yến