VOV4.K’ho- Drim ngai 10/01, Củ tịc lơgar ồng Nguyễn Xuân Phúc wă Đại tướng Vilay Lakhamphong, Ủy viên Ƀộ Cíñ trị, Ƀộ trưởng Ƀộ Kwang àng lơgar Lào gam geh dơ̆ lòt còp, lơh broă tàm lơgar Việt Nam. Ala mat kwang đơng lam bồ Đảng, dà lơgar Việt Nam, Củ tịc lơgar ồng Nguyễn Xuân Phúc nting bơr gờm chờ tus ồng Vilay Lakhamphong geh pồ là Ủy viên Ƀộ Cíñ trị mờ kung là kwang đơng lam bồ Ƀộ Kwang àng dơ̆ sơn rờp geh tơn pồ groăt Đại tướng Kwang àng làng bol bơh lơgar Lào dê.

Củ tịc lơgar kơp kờñ Ƀộ Kwang àng 2 lơgar pơn jat tai tơnguh bơhiàn ờs mờng, sơlơ tơnguh lơh broă bal jơh nùs, tơl làm jơh ală bơta, ờ mìng bơsong ală broă kuơmàng, mờ gam lơh broă bal tàm ală gah ngan ngồn bè rơcang sơndră cau tìs tàm internet, kông nghệ; rơcang sơndră cau tìs ma túy. Ƀộ trưởng Ƀộ Kwang àng jơh nùs ưn ngài bơta dong kờl kwơ màng ngan bơh Đảng, dà lơgar Việt Nam mờ Ƀộ Kwang àng Việt Nam dê sùm lòt bal, dong kờl lơgar Lào ngan là tàm ală tŭ tơngai kal ke.

Cau mblàng K’Duẩn