VOV4.K’ho - Dờp jơnau jà bơh Củ tịch Quôk hội lơgar Hàn Quôk ồng Park Byeong Seug, Củ tịc Quốc hội ồng Vương Đình Huệ bal mờ mpồl kuang bàng dờng màng Quôk hội neh tus ƀlàng rơndeh par dunia Incheon, càr lơgar Seoul, sơn đờm còp mùl màl lơgar Hàn Quôk bơh  ngai 12 tus 15 nhai 12 nam 2021.

                               Củ tịc Quôk hội ồng Vương Đình Huệ còp mùl màl lơgar Hàn Quôk

Dơ̆ wă rò mpồl kuang bàng tàm ƀlàng rơndeh par bè đah lơgar Hàn Quôk geh Phó Củ tịc mpồl git gơ̆p lơh bơyô bal lơgar Hàn Quôk mờ lơgar Việt Nam, nghị sĩ ồng Suh Jung-Sook. Tàm dơ̆ tus còp mùl màl do, Củ tịc Quôk hội ồng Vương Đình Huệ bal mờ mpồl kuang bàng dờng màng Quôk hội lơgar Việt Nam geh dơ̆ cri bơyai mờ kuang bàng dờng màng lơgar Hàn Quôk; wă ală mpồl lơh broă, ala măt lơgar Hàn Quôk; tus bal pơrjum cri bơyai mpồl lơh sa kă bro; cri bơyai kơ ƀàng wil mờ ală kuang bàng đơng lam mpồl lơh sa kă bro geh pơnrơ ngan; wă ală mpồl lơh sa kă bro geh pơnrơ ngan tàm lơgar Hàn Quôk; sền dơ̆ kĭ ring bal lơh broă bal ală bộ, gah lơh broă, ală càr, ƀòn dờng, mpồl lơh sa kă bro. Kuơ màng, ala măt Cíñ phủ bàr lơgar geh kĭ Hiệp đìñ bè ƀảo hiểm xã hội đah bàr lơgar.

Cau mblàng Ndong Brawl