VOV4.K’ho - Mho òr (19/12), tàm gơlang kuang atbồ lơgar Ấn Độ, Củ tịc Quốk hội ồng Vương Đình Huệ neh cri bơyai mờ Kuang atbồ lơgar Ấn Độ ồng Ram Nath Kovind tàm dơ̆ tus còp mùl màl lơgar Ấn Độ.

          Củ tịc Quôk hội ồng Vương Đình Huệ cri bơyai mờ Kuang atbồ lơgar Ấn Độ ồng Ram Nath Kovind

Bàr nă kuang đơng lam ring bal đơs là broă lơh git gơ̆p đah bàr lơgar ngai sơlơ tơnguh bơtàu nền nòn tàm uă gah broă. Bàr nă kuang đơng lam ring bal pơn jăt tai geh sùm ală dơ̆ tus còp mờ tìp bal dờng mờ ală kấp bơh Dà lơgar, Cíñ phủ, Quốk hội mờ tàm ală gah Đảng, ală càr, ƀòn dờng mờ tìp bal nghị sĩ git gơ̆p, tìp bal làng bol. Mờ ring bal bơyai lơh ală broă lơh geh kuơ, mùl màl tơnkah 50 nam ngai crơng gơs broă lơh git gơ̆p bal tàm nam 2022. Bàr gah ai tơngŏ pơn jăt tai pơgồp bal nền nòn mờ kờñ bal tàm ală pơrjum cri bơyai dunia mờ tàm tiah do; lơgar Việt Nam mờ lơgar Ấn Độ geh pơn jăt tai kờñ bal ală broă lơh ngan chồl pràn broă bơsong ală jơnau ờ ring bal bơh ală broă lơh ring lơngai, di pal mờ adăt boh lam dunia dê.

Cau mblàng Ndong Brawl